نوح غالى

29/04/2026

29/04/2026

قريباً …
الثامنة والنصف مساء كل أحد علي قناة الشمس
تفاصيل_الحكاية

25/04/2026

السعادة بتخفّف الضغط، بتنظّم ضربات القلب، وبتفرز هرمونات زي “الإندورفين” و“السيروتونين” اللي بتدي إحساس بالراحة والاطمئنان. القلب وقتها بيشتغل بهدوء واتزان.

أما الحزن، خصوصاً لو طال، ممكن يسبب توتر وارتفاع في ضربات القلب، ويزود إفراز هرمونات التوتر زي “الكورتيزول”، وده ممكن يرهق القلب ويأثر على الصحة بشكل عام.

باختصار:
السعادة تغذي القلب بالراحة،
والحزن يختبر قوته… لكن التوازن بينهم هو سر السلام الداخلي

اللهم أرزقنا راحة البال وطمأنينة النفس ، وسعادة القلب وسعة الرزق.
#السعادة
#الحزن

24/04/2026

قاعد لوحدي… وبفكر في اللي حصل للفنان الجميل هاني شاكر .
إزاي كنت بفكر عادي جدًا عن ذكرياتي مع أغاني هاني شاكر… وبسترجع شريط ذكريات بسيطة، وفجأة لقيت عيني بتدمع كده من غير استئذان.

غريبة بصراحة…
يعني هو أنا بعيط على إيه؟ على نجمي المفضل لانه تعبان؟
ولا على حاجة تانية مستخبية جوايا وأنا مش واخد بالي؟

حاسس إن الموضوع أكبر من كده بكتير.
يمكن مش حكاية الفنان هاني شاكر نفسه… قد ما هي كمان حكاية زمن.
زمن كان فيه صوت معين، إحساس معين، كلام كنا فاهمينه من غير ما نشرحه.

يمكن إحنا بنمسك في الأصوات دي… كأنها حتة أمان.
كأنها بتفكرنا إن في وقت من حياتنا كان كل حاجة فيه أهدى، أبسط، وأقرب لروحنا.

الدنيا دلوقتي سريعة بشكل غريب…
كل حاجة بتجري، وإحنا بنجري وراها من غير ما نفهم إحنا رايحين فين.

شغلت برنامج آنغامي … ووقفت عند أغنية
“يا أم العيون حزينة”

يا ام العيون حزينة تشبه زمن الخريف
سكن الطير في المدينة ونسي طريق الريف
وتن الدنيا تجري تجري واحنا وراها نجري نجري لما ضيعت قلبك وانا ضيعت عمري يام العيون حزينه

وأول ما اشتغلت… حسيت إني رجعت سنين لورا.
الكلام بسيط… بس تقيل.
“تن الدنيا تجري تجري… وإحنا وراها نجري نجري”

حتى كلمة “تن” دي… كلمة قديمة كده، بس فيها معنى كبير.
كأنها بتقول إن الدنيا هتفضل ماشية… سواء إحنا لاحقين ولا لأ.

ولما وصل لمقطع
كل الخطوة ما توسع .. بيضيق بينا المكان
واليوم من الايام دي أقصر من أيام زمان

وقفت الأغنية.
مش عشان مش عاجباني…
بس عشان حسيت إنها كملت الباقي جوايا.

يمكن فعلاً الأيام بقت أقصر…
أو يمكن إحنا اللي بقينا نحسها بتعدي أسرع.

الموضوع مش دموع على مطربي ونجمي المفضل …
الموضوع شوية حنين
وشوية خوف…
وشوية إحساس إن في حاجات كانت حلوة… وبقت بعيدة

10/04/2026

رئيس مجلس الوزراء الدكتور مصطفى مدبولي يعلن تغيير موعد إغلاق المحال لتكون 11 مساءًا اعتبارًا من الغد حتى نهاية أبريل الجاري

07/04/2026

نوح غالي: البعض يريد إقحام مصر في الحرب مع دولة الاحتلال

ولفت إلى أن البعض يريد إقحام مصر في الحرب مع دولة الاحتلال، معقبًا:
“مصر دولة كبيرة وعظيمة، وهي قلب العالم العربي النابض، وأحد الأعمدة الاستراتيجية في المنطقة، ودور مصر الأساسي هو الوساطة ودعم السلام والاستقرار وليس الحرب.

06/04/2026

الحقيقة اللي محدش بيقولها: الغلاء عالمي مش في مصر بس !!

في ناس فاكرة إن الغلاء في مصر بس…
طيب أحب أقولك الحقيقة اللي أنا شايفها بعيني 👇

أنا دلوقتي في فرنسا 🇫🇷
والوضع هنا بقى صادم!

⛽ البنزين كان بـ 1.70 يورو
بقى 2.40 يورو!!

🍅 الطماطم من 1 يورو لـ 5 يورو 😳
(أيوه 5 أضعاف!)

🥚 كرتونة البيض من 3.5 لـ 7 يورو
(الضعف!)

وكل الأكل تقريبًا زاد من 20% لحد 100% 📈

📌 يعني إيه الكلام ده؟
يعني الغلاء مش “مشكلة دولة”…
ده نتيجة توترات وحروب بتأثر على العالم كله

الطاقة بتغلى ⛽
النقل بيغلى 🚚
الإنتاج بيغلى 🏭
فالنتيجة؟ كل حاجة بتغلى!

❗ الرسالة المهمة:
مش كل حاجة بتحصل عندنا بسببنا
العالم كله داخل على موجة غلاء صعبة

ربنا يعديها على الجميع بخير يارب 🤲
بس لازم نبقى فاهمين الصورة كاملة قبل مانحكم
حفظ الله مصر وشعبها وجيشها وشرطتها وآدام علينا الأمن والأمان يارب 🤲





@متابعين
@الجميع

05/04/2026

أذهب البأس ربّ النّاس، واشفِ أنت الشّافي، لا شفاء إلا شفاؤك، شفاءً لا يغادر سقماً"

أسأل الله أن يتم شفاء أمير الغناء العربي شفاءً تامًا لا يغادر سقمًا، وأن يلبسه ثوب الصحة والعافية ويطمئن قلوب محبيه عليه 🤍

الحمد لله على الأخبار المطمئنة من مستشفى فوش بباريس، ونسأل الله أن يجعل ما مرّ به رفعةً له في الدرجات وتكفيرًا للذنوب، وأن يعود إلى وطنه الحبيب مصر سالمًا معافى في أقرب وقت بإذن الله 🇪🇬

اللهم اشفه شفاءً عاجلًا، وأعده إلى أسرته وجمهوره وهو في أفضل حال، ودمت يا أمير الغناء مصدر بهجة وفرح لكل من يحبك ♥️@الجميع
@متابعين
Hany Shaker