What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

https://www.facebook.com/223235997541363/

Shwe San Eain Hlaing Construction Co.,Ltd., 19(E) Meizigone Street Hlaing, Yangon (2026)

04/07/2024

ဆောက်လုပ်ရေးနှင့်ပက်သက်၍တင်ပြပါရစေ.....💁

(1:2:4) ကွန်ကရစ် 100 ကုဗပေမှာ
ဘိလပ်မြေ - 18.48 အိတ်ကုန်တယ်
အလုပ်မား - 10ယောက်
ပန်းရံဆရာ - 1ယောက်

(1:3:6 ) ကွန်ကရစ် 100 ကုဗပေမှာ
ဘိလပ်မြေ - 12.85 အိတ်
အလုပ်သမား - 8 ယောက်
ပန်းရံ - 1ယောက်
42.5 Class ဘိလပ်မြေ နဲ့52.5 Class ဘိလပ်မြေ အမျိုးအစားများအလိုက် ဘယ်လိုကွာခြားသလဲ ?
===================================

ဘိလပ်မြေအမျိုး အစားများကို ယေဘူယျအားဖြင့် 32.5 Class ဘိလပ်မြေ , 42.5 Class ဘိလပ်မြေ နှင့် 52.5 Class ဘိလပ်မြေ ဆိုပြီး အမျိုးအစားအလိုက် သတ်မှတ်ထားပါတယ် ။ မြန်မာနိုင်ငံတွင် 42.5 Class ဘိလပ်မြေ နှင့် 52.5 Class ဘိလပ်မြေကို အများဆုံး အသုံးပြုနေကြပါတယ် ...
အဆောက်အဦများ၊ လမ်းတံတားများကို ဆောက်လုပ်တဲ့အခါမှာ ဆောက်လုပ်မယ့် အမျိုးအစားအလိုက် 42.5 Class နဲ့ 52.5 Class ဘိလပ်မြေအမျိုးအစားတွေကို လိုအပ်သလို ရွေးချယ်အသုံးပြုသင့်ပုံကို မျှဝေပေးလိုက်ပါတယ်...
42.5 Class ဘိလပ်မြေ
----------------------------
42.5 Class ဘိလပ်မြေ ဆိုသည်မှာ ကွန်ကရစ်လာင်းပြီး(၂၈) ရက်အကြာတွင် Strength Test (ခံနိုင်ဝန်အား) စမ်းသပ်ပါက (6162.5 PSI) Grade 42.5 နှင့်ညီမျှသော ခံနိုင်ဝန်အားကို အပြည့်အဝ ရရှိတဲ့ ဘိလပ်မြေအမျိုးအစားဖြစ်ပါသည်။
42.5 Class ဘိလပ်မြေ ရဲ့ ခံနိုင်ဝန်အားသည် သတ်မှတ်စံချိန်စံညွှန်းအရ စတင်မာခဲချိန်နဲ့ နောက်ဆုံးမာခဲချိန် နှေးတတ်သော သဘာဝရှိပါသည်။.
42.5 Class ဘိလပ်မြေ ကို အုတ်စီလုပ်ငန်းများ၊ နံရံအချောကိုင်လုပ်ငန်းများ၊ ရိုးရိုးအုတ်တိုက်၊ နံရံကပ်တိုက်များ ၊လုံးချင်းအဆင့်မြင့် အဆောက်အဦများ ဆောက်လုပ်မယ်ဆိုပါက 4 2.5 Class ဘိလပ်မြေကို အသုံးပြုနိုင်ပါသည်။........
52.5 Class ဘိလပ်မြေ
-----------------------------
52.5 Class ဘိလပ်မြေ ဆိုသည်မှာ ကွန်ကရစ်လာင်းပြီး(၂၈) ရက်အကြာတွင် Strength Test (ခံနိုင်ဝန်အား) စမ်းသပ်ပါက (7612.5 PSI) Grade 52.5 နှင့်ညီမျှသော ခံနိုင်ဝန်အားကို အပြည့်အဝ ရရှိတဲ့ ဘိလပ်မြေအမျိုးအစားဖြစ်ပါသည်။
52.5 Class ဘိလပ်မြေသည် ခံနိုင်ဝန်ကို အချိန်တိုအတွင်းမှာ ရရှိစေနိုင်ပြီး စတင်မာခဲချိန် နှင့် နောက်ဆုံးမာခဲချိန် မြန်သော သဘာဝရှိတဲ့အတွက် ထုထည်ကြီးမားသော လမ်းတံတားများ အဆင့်မြင့် ကွန်ဒိုတိုက်ခန်းများ ၊အထပ်မြင့် အဆောက်အဦများ ဆောက်လုပ်ရာတွင် အသုံးပြုနိုင်ပါသည်။

ရေနှင့်အမြဲထိတွေ့နေသောနေရာများ၊ အစိုဓါတ်များသောနေရာများ၊ ငလျင်ဒဏ်၊ သဘာဝဘေးအန္တရာယ်တို့နှင့် အနီးကပ်ဆုံးနေရာဒေသများတွင်လည်း 52.5 Class ဘိလပ်မြေကိုသာ အသုံးပြုသင့်ပါသည်။
................
သစ်တွက်နည်း
===========

သစ်လုံးကို ကုဗပတွက်နည်း> သစ်တန်တွက်နည်း> သစ် ၁ တန် စျေးနှုန်းတွက်နည်း ✍

သစ်လုံးကို ကုဗပနှင့် တန်ဖွဲ့ရာတွင် လက်မကိုတည် ၄ နှင့်စား ရလဒ်သည် အဒု ဗြက် လက်မ ဖြစ်ပါသည် ဒုနှင့် ဗြက် ကိုမြှောက် သစ်လုံ အလျား နှင့် ဆက်မြှောက် ရသောအဖြေ ကိုတည်၍ ၇၂၀၀ နှင့် စားလျှင်
အဖြေသည် သစ်တန်ရ၍ ၁၄၄ နှင့်စားလျှင် ကုဗပေ ရပါသည်။

ဥပမာ.......သစ်လုံပတ် ၆၀လက်မ အရှည် ၃၂ပေ ရှိသောသစ်လုံးကို
တန်ဖွဲ့လိုလျှင်

တွက်နည်း (1)

15×15×32 7200
----------------- ----------
144 144. =50ကုဗေပ

၅၀ ကုဗပေ = ၁ တန်

သစ်တန်တွက်နည်း
===============

( သစ် ၁ တန် = ၁'' × ၁'' ပတ်လည် ၇၂၀၀'ပေ)

သိလိုသော သစ်အရွယ်အစား ဒု နှင့် ဗြက် ကိုမြှောက်၍ ရသော ရလဒ်နှင့် ၇၂၀၀ ကို စားရသော အဖြေသည် သစ် ၁ တန်၏ဖြေဖြစ်သည်။

တွက်နည်း

၄''×၂'' = သစ်တစ်တန် ရှိပေရှည် ကိုသိလိုလျှင်
၄''×၂'' = ၈
၇၂၀၀ = ၉ ၀၀'ပေ
(၄''×၂'') သစ် ၁တန်၌ရှိသော ပေရှည် =၉၀၀ပေ

သစ်တန်တွက်နည်း
=============

ဗျက် ၄''×၂'' ပေရှည် ၂၀ ပေ ၊ ချောင်းရေ ၃၀ ဆိုပါစို့
ဗျက်ရယ် ၊ ဒုရယ် ၊ ပေရှည် ရယ် ၊ ချောင်းရေရယ်မြှောက် ၁၄၄ နဲ့စားရပါမည်။ ရတဲ့အဖြေဟာ ကုဗပေ ပဲရှိသေး၍ သစ် ၁ တန်လျှင် ၅၀ ကုဗပေ ရှိ၍ ၅၀ ဖြင့်စားလျှင် တန်ရလာပါမည်။

ဗျက် × ဒု × ပေရှည် × အချောင်းရေ
၄''×၂''×၂၀'×၃၀÷၁၄၄= ၃၃.၃၃ ကုဗေပ

၃၃.၃၃ ကုဗပ = ၀.၆၆၆ တန်
၅၀ ကုဗပေ. ဆိုပါစို့ =၀.၆၇တန်

အမြန်ဆုံး သစ်စျေးနှုန်းတွက်နည်း

ဥပမာ... သစ် ၁ တန် ၆၅၀,၀၀၀ စျေးဖြင့်
၄''×၂'' လေးနှစ် ၁၈ ပေ တစ်ချောင်းကိုတွက်ကြည့်မယ်
စျေးနှုန်း ကိုတည် ဒသမ သုညသုည နှစ်ငါးဖြစ်
မြှောက်(၆၅၀,၀၀၀×.၀၀၂၅)
ရလဒ်ကိုသစ်ချောင်း၏ ဒု×ဗျက် (၄''×၂'') ရလဒ်ဖြင့်ပြန် မြှောက်လိုက်ပါ။

ဒါဆို ၄''×၂'' လေးနှစ် ၁၈ပေ တစ်ချောင်း၏ တန်ဘိုးရမည်။

၆၅၀,၀၀၀×.၀၀၂၅=၁၆၂၅

၄ × ၂ = × ၈
------------------
၁၃,၀၀၀

လေးနှစ် ၁ ချောင်း တန်ဘိုး = ၁၃,၀၀၀ ks
ဖြစ်သည်။
မည်သည့် ဒု ဗျက် မည်သည့် စျေးနှုန်း မဆိုတွက်ကြည့်နိုင်ပါသည်။
✔✔✔✔✔✔✔✔✔✔✔✔✔✔✔✔✔✔✔✔
လိုအပ်ရင်ကြည့်လို့ရအောင်ပါ✍️
သံချောင်းတွက်နည်း
1ချောင်း=12 m=40 ft(39'4'')

10mm = 3/8''= 3မူး = 135 ချောင်း

12mm = 1/2 ''= 5မူး = 88ချောင်း

14mm = 9/16''= 5မူး1ပဲ=70ချောင်း

16mm = 5/8''= 6မူး=53ချောင်း

18mm = 3/4''= 3မတ်=41ချောင်း

20mm = 3/4''= 3မတ် = 33ချောင်း

22mm = 7/8''= 1လက်မမူးတင်း =27ချောင်း

25mm =1ကျပ်လုံး=1''= 21ချောင်း
________________________________________
1 Ton မှာရှိသော အချောင်းရေ

★ diameter (mm)
1000/0.006167d²×12m ( or )
13517÷d ÷d (12mm diameter မှလွဲ၍)

★ diameter (in)
2204.62/2.67d²×39.37 ft
________________________________________
သံချောင်း( Rebar ) အလေးချိန် တွက်ရန်ပုံသေနည်း

★ diameter (mm)
0.006167d²×သံချောင်း အရှည် ( m 😞 Kg

★ diameter (in)
2.67d² × သံချောင်းအရှည် (ft) = Lb
_______________________________________
Binding wire
6.5mm--------->8mm coil
1 m=0.26kg---->0.395kg
1ton=3834m--->2531m
1Viss=20´3´´--->13´4´´
________________________________________
Rebar 1Ton = 1000 Kg
Metric ton >>> 2204.62 lb
UK ( long ton ) >>> 2240 lb
US ( short ton ) >>> 2000 lb
Steel unit weight=490 lb per cu ft
________________________________________
ACI code
Main steel = 25 to 32mm
Ties & stirrups=10mm (min)
18 G Binding wire 40 coils
________________________________________
1 Kg =2.2 Lb
1Lb=0.22kg
1 in=25.4 mm
✔✔✔✔✔✔✔✔✔✔✔✔✔✔✔✔✔✔✔
Site တစ်ခု အတွတ် Overhead Tank
အကြောင်းစဉ်းစားရင် ပေါ်လာလို့.
ရေဝင်ဆန့် တွတ်ပုံလေ ချရေးကြည့်တာ

1 ကုဗပေ = 6.25 ဂါလံ
အလျား×အနံ×အမြင့် = ကုဗပေ

ဥပမာ
4' × 4' × 2' = 32 ကုဗေပ
32 × 6.25 = 200 ဂါလံ ဝင်ဆန့်မယ်

လီတာ နဲ့ သိချင်ရင်တော့

1 ဂါလံ = 3.785 နဲ့ ညီမျှတယ်
200 ဂါလံ ဆိုတော့
200 × 3.785 = 757 လီတာ

ဒါကြောင့် 4 × 4 × 2 ရှိတဲ့ Tank တစ်လုံးမှာ
ဂါလံ 200 (သို့မဟုတ်) လီတာ 757
ဝင်ဆန့် မယ် 🙂
✔✔✔✔✔✔✔✔✔✔✔✔✔✔✔✔✔✔✔✔✔

SEPTIC TANK
***************

Septic tank ( မိလ္လာပိုးစားကန်)
ဆိုတာ လူကစွန့်ပစ်တဲ့ မိလ္လာ(sewage)ကို
Bacteria ပေါက်ပွါးစေပြီး ဓါတ်ပြုတဲ့စနစ်
(Septic Action) ဖြစ်ပေါ်စေတဲ့ကန် ဖြစ်ပါ
တယ်။

Inlet pipe က ဝင်လာတဲ့ မိလ္လာ
(sewage)ဟာ Chamber 1 ထဲကို
ကျရောက်ပြီး ၃ ရက်မှ ၇ ရက်ခန့်အတွင်း
Anaerobic လို့ခေါ်တဲ့ Bacteria တစ်မျိုး
ပေါက်ပွါးလာပါတယ်။ Anaerobic
Bacteria ဟာ "လေမလို အလင်းမလိုပိုး"
ဖြစ်ပြီး Oxygen နဲ့ အလင်းရောင် မရှိမှ
ရှင်သန်နိုင်ပါတယ်။ Anaerobic Bacteria
က Sewage ကို ချေဖျက် (စားသုံး) ပြီး
နောက် သူတို့က စွန့်ထုတ်လိုက်တဲ့ စွန့်ပစ်
ပစ္စည်းဟာ Inlet pipe က ဝင်ရောက်လာ
တဲ့ ရေအရှိန်နဲ့ တရွေ့ရွေ့ Chamber 2
ဘက်ကို ရောက်ရှိသွားပြီး Aerobic
Bacteria ဆိုတဲ့ ပိုးတစ်မျိုးထပ်မံပေါက်ပွါး
လာပါတယ်။ Aerobic Bacteria ဟာ
"လေလို အလင်းလိုပိုး" ဖြစ်တဲ့အတွက်
Oxygen နဲ့ Light ရရှိမှ ရှင်သန်နိုင်ပါတယ်။

Aerobic Bacteria ဟာ Anaerobic
Bacteria ကစွန့်ထုတ်လိုက်တဲ့ စွန့်ပစ်ပစ္စည်း
ကို ဓါတ်ပြု(စားသုံး)ပြီး သူကစွန့်ထုတ်လိုက်
တဲ့ စွန့်ပစ်ပစ္စည်းဟာSludge (အနှစ်)အဖြစ်
ထွက်ပေါ်လာပါတယ်။Sludge ဟာကတ္တရာ
စေးလို မည်းနက်တဲ့ အစေး ဖြစ်ပါတယ်။
Bacteria ပေါက်ပွါးဖို့ ဖန်တီးပေးရန်မလိုပါ။
သူ့အလိုလို ပေါက်ပွါးပါတယ်။

Chamber 1 ထဲ ဝင်ရောက်လာတဲ့
Sewage ဟာ တဖြည်းဖြည်း အဆီများ
ထွက်လာပြီး Chamber 1 ထဲရှိ ရေမျက်
နှာပြင်အပေါ်ကိုတက်လာပြီး မိလ္လာဆီ
အလွှာ( Scum Layer)အဖြစ် ဖုံးပိတ်သွား
ပါတယ်။ ဒီ Scum Layer ဟာ အပေါ်မှာ
ရှိတဲ့နေရာလွတ်(Free Board)မှOx

စာဖတ်ချစ်သူများ ကျေးဇူးတင်ပါတယ်ရှင့်.....🤝

01/07/2024

ဆောက်လုပ်ရေးလုပ်ငန်းတွေမှာသုံးလေ့ရှိတဲ့
ကျင်းနှင့် တန်တွက်နည်းကိုအနည်းငယ် မျှဝေပေးပါမယ်ဗျ😇

ကျင်းဆိုတဲ့အသုံးအနှုန်းက မြန်မာ engineer တွေဆောက်လုပ်ရေးလုပ်ငန်းခွင်မှာသုံးလေ့ရှိတဲ့အသုံးအနှုန်းပါ.. ပုံမှန်အားဖြင့်..

၁ကျင်း မှာ အလျား ၁၀' ၊ အနံ ၁၀' နဲ့ အမြင့် ၁' ပါ၀င်ပါတယ်... တစ်နည်းအားဖြင့် 100 cubic feet လို့လဲခေါ်ပါတယ်.. မည်သည့်အရာမဆို 100 cubic feet တိုင်းကို ၁ကျင်းလို့ခေါ်ပါတယ်..

✅သဲတစ်ကျင်း
ပါ၀င်မှု - အလျား ၁၀ပေ x အနံ ၁၀ပေ x အမြင့် ၁ပေ

✅ကျောက်တစ်ကျင်း
ပါ၀င်မှု - အလျား ၁၀ပေ x အနံ ၁၀ပေ x အမြင့် ၁ပေ

✅ကွန်ကရစ်တစ်ကျင်း (1:2:4)
ပါ၀င်မှု - ဘိလပ်မြေ 1035 ပေါင် x သဲ 46 cubic Feet (တစ်ကျင်းမပြည့်) x ကျောက်စရစ် 92 cubic feet (တစ်ကျင်းမပြည့်)

✅အုတ်တစ်ကျင်း (4.5") စီလျှင် ✅
ပါ၀င်မှု - အလျား ၁၀ပေ x အနံ ၁၀ပေ (အုတ်ခဲအရေအတွက် 550 ပါ၀င်ပါသည်) x သဲ 10 cubic feet (တစ်ကျင်းမပြည့်) x ဘိလပ်မြေ 297 ပေါင်

✅အုတ်တစ်ကျင်း (9") စီလျှင်✅
ပါ၀င်မှု - အလျား ၁၀ပေ x အနံ ၁၀ပေ x ထု 9" (အုတ်ခဲအရေအတွက် 1350 ပါ၀င်ပါသည်) x သဲ 26 cubic feet (တစ်ကျင်းမပြည့်) x ဘိလပ်မြေ 780 ပေါင်

✅ပလာစတာ
ပါ၀င်မှု - အလျား ၁၀ပေ x အနံ ၁၀ပေ x သဲ 5 cubic feet (တစ်ကျင်းမပြည့်) x ဘိလပ်မြေ 120 ပေါင်

✅သစ်တစ်တန်ပါ ပေ တွက်နည်း
ဘယ်လိုသစ်အမျိုးအမစားမဆို ၁တန်မှာ ဘယ်နှစ်ပေပါမလဲဆိုတာတွက်နည်းပါ..
ဥပမာ။ ။ 3' x 2' သစ်တစ်တန်မှာပေဘယ်လောက်ပါသလဲဆိုတာတွက်မယ်ဆိုရင်...

7200 / အလျား x အနံ = (7200 / 3 x 2) = (7200 / 6) = 1200 ဒါဆိုရင် 3' x 2' သစ်တစ်တန်မှာ ပေပေါင်း 1200 ပါတယ်ဆိုတာသိနိုင်မှာပါ

“လုံခြုံ ၊ စိတ်ချ
တိုးတတ် စည်းစိမ်
ရွှေစံအိမ် “

23/05/2024

မြေဧကတွက်နည်း။
❖❖❖❖❖❖❖❖❖❖

၁ ဧက = ၂၀၈.၇၁၁ ပေ × ၂၀၈.၇၁၁ ပေ
၁ ဧက = ၄၀၄၇ စတုရန်းမီတာ
၁ ဧက = ၄၃၅၆၀ စတုရန်းပေ
၁ ပေ(sqft) = ၀.၀၉၂၉ Square metre
၁ မီတာ = ၃.၂၈၁ ပေ
၁ စတုရန်းမီတာ = ၁၀.၇၆၄ စတုရန်းပေ
၁ ဟက်တာ = ၂.၄၇၁ ဧက

✅Square Feet မှ ဧကပြောင်း

Sqft ÷ 43560 = ( ) ဧက
ဥပမာ 20000 Sqft ကို ဧကဖြင့် သိလိုလျှင်
20000 ÷ 43560 = 0.459 ဧက

ဧကမှ Sqft ပြောင်း
ဧကအကျယ် × 43560 = ( ) Sqft

ဥပမာ 0.5 ဧကကို Sqft ဖြင့်သိလိုလျှင်
0.5 × 43560 = 21780 Sqft
၁ ဧက = ၄၃၅၆၀ စတုရန်းပေ
၄၃၅၆၀ စတုရန်းပေ = ?

လက်မ (inch), ပေ (feet), ကိုက် (yard), သံကြိုး (Chain), ဖာလုံ (Furlong), မိုင် (Mile) စတဲ့ အတိုင်းအတာ ယူနစ်များဟာ Imperial Units ဖြစ်ပါတယ်။

၃ ပေ = ၁ ကိုက်
၂၂ ကိုက် = ၁ သံကြိုး (၆၆ ပေ)
၁၀ သံကြိုး = ၁ ဖာလုံ (၆၆၀ ပေ)
၈ ဖာလုံ = ၁ မိုင် (၅၂၈၀ ပေ)
၁ သံကြိုး (အလျှား) × ၁ ဖာလုံ (အနံ) = ၁ ဧက လို့သတ်မှတ်ပါသည်။ထို့ကြောင့်၆၆ ပေ × ၆၆၀ ပေ = ၄၃၅၆၀ စတုရန်းပေ ဖြစ်ပါသည်။

၁ သံကြိုး အကျယ် နဲ့ ၁ ဖာလုံ အရှည် မြေကွက်ဟာ
တစ်ဧက (၄၃၅၆၀ စတုရန်းပေ) ဖြစ်ပါသည်။

၁ စတုရန်းမိုင် = ၆၄၀ ဧက
၁ စတုရန်းဖာလုံ = ၁၀ ဧက
၄၃၅၆၀ စတုရန်းပေ = ၁ ဧက
၂၀၈.၇၁ ပေ × ၂၀၈.၇၁ ပေ = ၁ ဧက
၂၀၀ ပေ × ၂၀၀ ပေ = ၁ ဧကခန့်
၁၀၀ ပေ × ၁၀၀ပေ = ဧက ၁ မူးခန့်
၅၀ ပေ × ၁၀၀ ပေ = ဧက ၁ မတ်ခန့်
၄၀ ပေ × ၆၀ ပေ = ၀.၀၅၅ ဧက
၂၀ ပေ × ၆၀ ပေ = ၀.၀၂၇၅ ဧက

#ဆောက်လုပ်ရေး
#

23/05/2024

🏠နေစရာအိမ်ဆောက်မယ်ဆိုရင်(သိထားသင့်တယ်)
*****************************************
(တန်ဖိုးရှိလွန်းလို့ သိမ်းထားခဲ့တာပါ။ အခုခေတ်မှာ လုပ်ဖို့မပြောနဲ့ သိသူတောင်နည်းသွားပြီ)

ဆရာကြီးဒဂုန်ရဲ့စာတွေဖတ်ရင်း တွေ့မိလို့သိမ်းထားခဲ့တဲ့ထဲကအိမ်ဆောက်ရင် လိုအပ်ချက်တွေကို
သိနိုင်ဖို့ ဖော်ပြလိုက်ပါတယ်။

👉အသက်တွက်ပြီးမှအိမ်ဆောက်ပါ။

အိမ်ဆောက်တော့မယ်ဆိုရင် အသက်တွက်ပြီးမှ
အိမ်ဆောက်သင့်တယ်လို့ ဆိုပါတယ်။

ဒီအချက်ကို လင်္ကာလေးနဲ့ညွှန်းထားပုံက
အိမ်သစ်ဆောက်လိုများလူဗိုလ်၊ သက်ကိုရှစ်နဲ့စား

တစ်ခုကြွင်းမူသူဌေးယူ၊
နှစ်မူသူကြွယ်သား။
လေးခုကြွင်းငြားရွှေလှေခါး၊
ငါးကားရွှေပြဿဒ်။
သုံး၊ခြောက်၊ခုနှစ်၊သုံးဘုံလစ်၊
အိမ်သစ်မဆောက်အပ်တဲ့။
လင်္ကာရဲ့သဘောကဒီလိုပါ။

ကိုယ့်ရဲ့ အသက်ကို (၈)နဲ့ စားလိုက်ပါ။

၁=ကြွင်းရင် ဒီနှစ်မှာ
အိမ်ဆောက်တဲ့အတွက် သူဌေးဖြစ်နိုင်သလို၊

၂=ကြွင်းရင်လည်း သူကြွယ်ဖြစ်တတ်ပါသတဲ့။

၄-ကြွင်းရင် ဘ၀ရဲ့ အဆင့်မြင့်မှုကို ရရှိပြီး၊

၅=ကြွင်းရင် လည်း တို့ထက်ကောင်းပါတယ်။

၃၊ ၆၊၇နဲ့ ၀ ကြွင်းရင်တော့ ဒီအသက်၊
ဒီနှစ်ထဲမှာ အိမ်သစ် မဆောက်သင့်ပါဘူး။ ဆောက်ရင် ဆောက်သူအဖို့ ဘေးရန်များတာ၊ စီးပွားပျက်တာ၊ ရောဂါဘယများပြားတာတွေ ဖြစ်နိုင်တယ်နဲ့တူပါတယ်။🖌️

အိမ်သစ်ဆောက်မယ့်မြေရွေးရဦးမယ်အိမ်သစ်ဆောက်သင့်တဲ့ အသက်ရောက်လိုက အိမ်သစ်ဆောက်ဖို့စီစဉ်ပြီဆိုရင်၊ ဆောက်မယ့်မြေလည်းရွေးချယ်ရပါဦးမယ်။

စနစ်တကျရွေးချယ်မှအိမ်ရှင်အတွက် ကောင်းမွန်ပြီး ဘေးရန်အသွယ် ကင်းဝေးနိုင်ပါမယ်၊ မြေရွေးနည်း လင်္ကာကတော့ ဒီလိုပါ။

အဆင်းဖြူငြားမြေပုဏ္ဏား၊စီးပွားဖြစ်တတ်စွာ။
အဆင်းနီလွင်မြေဘုရင်၊မင်းလျှင်ဖြစ်တတ်ပါ။
အဆင်းနက်ကမြေဒါသ၊ဒုက္ခဘေးတွေ့ရာ။
အဆင်းဝါဘိမြေပကတိ၊သုခိအဝေရာ။
အဆင်းပြာလျှံ၊ကေသပံ၊နိုင်ငံတည်ထောင်ရာ။
မြေမင်းပုဏ္ဏားကျောင်းအိမ်များ၊ ဆောက်ထားဇရပ်သာ။
မြေဒါသမှာဥယျာဉ်သာ၊
လယ်မှာလုပ်လေပါ၊
မြေပကတိကိုရဟန်းဆို၊
နေလို့ကောင်းလေစွ။

လင်္ကာရဲ့သဘောက မြေရဲ့အဆင်းအရောင်ကိုကြည့်ပြီး အိမ်၊ ကျောင်း၊ ဇရပ်၊ ဥယျာဉ်တို့ တည်ထားသင့်တယ်ဆိုတဲ့သဘောပါ။

သေသေချာချာပြောရရင် အဆင်းဖြူတဲ့ မြေကို မြေပုဏ္ဏားလို့ ခေါ်တယ်။

ဒီမြေမှာအိမ်ဆောက်ရင် အိမ်ရှင်ဟာစီးပွားတက်
မယ်၊ချမ်းသာမယ်။

မြေအဆင်းနီရင် ဒီမြေကိုမြေဘုရင်လို့ သတ်မှတ် တယ်။ ဒီမြေမှာ အိမ်ဆောက်ရင် အိမ်ရှင်ဟာအကြီး အကဲဖြစ်မယ်။ အများရဲ့ ကြည်ညိုလေးစားမှုကို ခံရမယ်။

အဆင်းနက်တဲ့ (မြေသြဇာ၊ မြေဆီမြေနှစ်များတဲ့) မြေကို မြေဒါသလို့ ခေါ်တယ်။ ဒီမြေမှာ အိမ်မဆောက်သင့်ဘူး။ ဘေးရန်များတတ်တယ်။
ဒီမြေဟာ (မြေဆီ မြေနှစ် များတဲ့အတွက် ) ဥယျာဉ် စိုက်ပျိုးတာ၊ လယ်လုပ်ကိုင်တာသာ လုပ်သင့်ပါ သတဲ့။

အဆင်းအရောင် ခပ်ပြာပြာရှိတဲ့မြေကိုတော့ ကေသပ လို့ခေါ်ပြီး နိုင်ငံအကြီးအကဲတွေရဲ့ အရေးပါတဲ့ အဆောက်အအုံတွေ ဆောက်သင့်တယ်လို့ယူဆရပါ တယ်။

မြေအဆင်းဟာ ဝါရင်ပကတိ မြေသားအဖြစ် သတ်မှတ်ပါတယ်။ ဒီမြေဟာ အိမ်တို့၊ ဇရပ်တို့ ထက်ရဟန်း သံဃာတော်များ သီတင်းသုံးရာ ကျောင်းဆောက်သင့်ပါတယ်။ ရဟန်းသံဃာတော် များကြည်လင် အေးချမ်းစွာ သီတင်းသုံးပျော်မွေ့စေနိုင်တဲ့မြေမျိုးပါ။

ဒီလမှာအိမ်သစ်ဆောက်ပါအိမ်သစ်ဆောက်ဖို့ အသက်လဲရောက်ပြီ၊ ဆောက်သင့်တဲ့ မြေလဲရပြီ၊ ကဲ အိမ်သစ်ဆောက်ကြစို့။ အဲတစ်ခု ကျန်သေးတယ်။ ဘယ္လမွာ ဆောက်မလဲ။ လင်္ကာလေးကို ဖတ်ကြည့်ပါဦး။

လတန်ခူးမှာအိမ်ဆောက်ခါ၊ ချမ်းသာပြည့်ကြွယ်၀။
လကဆုန္ကားဆန္စပါး၊ ပေါများကြွယ်တက်လှ။
ဝါခေါငျလမှာအိမျဆောကျခါ၊ ဥစ္စာတိုးပွားရ။
နတ်တော်လတွင်အိမ်ဆောက်လျှင်၊ ပေါ်ထင်ကျော် စောစွ။
ပြာသိုလမှာလူတကာ၊များစွာချီးမွမ်းရ။
တပေါင်းလ၀ယ်၊ချမ်းသာကြွယ်၊ဆောင်းဖွယ်
ဤခြောက်လ။
လင်္ကာက ပြောထားတာကလေးက ရှင်းရှင်းကလေးပါနော်၊
အကျဉ်းရုံးပြောရရင် တန်ခူးလ၊ ကဆုန်လ၊ ဝါခေါင်လ၊ နတ်တော်လ၊ ပြာသိုလ၊ တပေါင်းလ စတဲ့ မြန်မာလတွေမှာ အိမ်သစ်ဆောက်သင့်တယ်။ ဆောက်ရင် ကောင်းတယ်။ သူ့လနဲ့သူစီးပွားတက်တာ၊ စပါးထွက်တာ၊ ချမ်းသာတာ၊ ထင်ပေါ်ကျော်ကြားတာတွေ ဖြစ်မယ်။ ဒါကြောင့် အဲဒီခြောက်လမှာ အိမ်သစ်ဆောက်သင့်ပြီး စပါးစိုက်တဲ့လ၊ အလုပ်များတဲ့လတွေမှာဖြစ်တဲ့ နယုန်လ၊ ဝါဆိုလ၊ ဝါဆိုလ၊ တော်သလင်း၊ သီတင်းကျွတ်၊ တန်ဆောင်မုန်း။ တပိုတွဲ စတဲ့ လတွေမှာ အိမ်သစ်မဆောက်သင့်ပါဘူး။ လရွေးပြီးရင်၊နေ့လဲရွေးပေးဦး။ အဲဒီလိုအိမ်သစ်ဆောက်ဖို့ လရွေးပြီးတာနဲ့ ကြိုက်တဲ့နေ့မှာ စတင်ပြီးဆောက်လို့မဖြစ်သေးပါဘူး သင့်လျှော်တဲ့နေ့ ရွေးဖို့ကိုလဲ လင်္ကာနဲ့ပဲ လမ်းညွန်ထားပါတယ်။

📌လင်္ကာကလေးကဒီလိုပါ။

တနင်္ဂနွေတွင်အိမ်ဆောက်လျှင်၊ မရွှင်စိတ်သောက။
နေ့တနင်္လာလွန်ချမ်းသာ၊ အင်္ဂါ လာဘ်ကြီးရ။
ဗုဒ္ဓဆောက်ခါဆင်းရဲစွာ၊ ရံခါ ချမ်းသာရ။
ကြာသပတေးမှာအိမ်ဆောက်ခါ၊ ရောဂါကင်းစင်ပ။
နေ့ကားသောကြာအေးကြည်စွာ၊ ရံဖန်ပူပင်ရ။
စနေနေ့မူအိမ်ဆောက်သူ၊ ဗိုလ်လူညှင်းပမ်းကြ။

ဒီလင်္ကာသဘောအရ တနင်္ဂနွေ၊ ဗုဒ္ဓဟူး၊ သောကြာ၊ စနေတို့မှာ အိမ်သစ်စမဆောက်သင့်ဘူး၊ ဗုဒ္ဓဟူးနဲ့ သောကြာနေ့မှာ အသင့်အသင့်ကောင်းပေမယ့် စနေ၊ တနင်္ဂနွေ မှာတော့ လုံး၀မကောင်းနိုင်ဘူး။ စပြီး ဆောက်သင့်တဲ့ ရက်တွေကတော့ တနင်္လာနေ့၊ အင်္ဂါနေ့၊ ကြာသပတေးနေ့ တို့ပါပဲ။ ဘာကြောင့် ဆောက်လုပ်သင့်သလဲဆိုတာကတော့ လင်္ကာမှာပါပြီးသားပါ။

မြေကျစ်အားကဟောတဲ့ဗေဒင် ကိုယ်အိမ်ဆောက်ဖို့ရွေးထားတဲ့မြေရဲ့ မြေကျစ်အား(မြေရဲ့သိပ်သည်းခြင်း)က ကိုယ့်ကိုဗေဒင်ဟောတတ်ပါသတဲ့။
ဟောပုံက-
အိမ်ကျောင်းဆောက်ရာ၊ မြေကိုသာ၊ သေချာမှတ်ပြီးမှ။
ပေါက်ပေါက်ဆန်ပန်း ဓိဌာန်မှန်း၊ ချိန်နော်ကြည့်အပ်လှ။
တစ်ကျပ်ပြည့်လတန်၊ ဆင်းရဲတက် နှစ်ကျပ်ဒုက္ခရ။
သုံးကျပ်လေးကျပ်၊ မတောင်းတက်၊ ငါးကျပ်မေတ္တာမျှ။
ခြောက်ကျပ်မှာ လာဘ်၊ ခုနှစ်ကျပ် အရပ်ပြောင်းရွေ့ရ။
ရှစ်ကျပ်ဥစ္စာ ၊ ပေါများပါ၊ ကိုးမွာ သိဒ္ဓိကပ်၊
တစ်ဆယ်ဘေးမှတ်၊ ဆယ့်တစ်ကျပ်၊ တိုးတက်သက်ဇီ၀။
ဆယ့်နှစ်ဆယ့်သုံး၊ ချိန်ကျပ်နှုန်း၊ ရွှင်ပြုံးချမ်းသုခ။
ဆယ့်လေးချစ်ခင်၊ ဆယ့်ငါးကွင်းလူရှင်မှန်တတ်စွ။
ဆယ့်ခြောက်ကောင်းစွန်၊ တစ်ဆယ့်ခွန်၊ အလွန်မျက်ထွက်စွ။
ချိန်ကျပ်ကောင်းစွာ၊ အိမ်ကျောင်းရာ၊ ဆောက်ခါနေထိုင်ကြ။
ကြံတိုင်းလည်းအောင်၊ သိဒ္ဓိဆောင်၊ လူ့ဘောင်ကျော်ဇောလှ။ တဲ့

ဒီလင်္ကာကို (Burmese to Burmese)

ဘာသာပြန်ရရင်- အိမ်တို့၊ ကျောင်းတို့ဆောက်ဖို့ မြေနေရာတိတိကျကျရပြီဆိုရင် မြေပေါ်မှာ ဆန်၊ ပန်း၊ ပေါက်ပေါက် နဲ့ဖြန့်ကြဲပူဇော်ရမယ်၊ အဓိဋ္ဌာန်ပြု သစ္စာဆိုပြီး တိကျမှန်ကန်တဲ့ အတိတ်နမိတ်ပေါ်အောင် ဆုတောင်းရမယ်။ပြီးရင်တူရွင်းနဲ့မြေကိုတစ်ကော်ကော်လိုက်ရမယ်။ ရတဲ့ မြေ တစ်ကော်စာကို ကျပ်သားနဲ့ ချိန်ကြည့်ရမယ်။ မြေတစ်ကော်စာချင်း တူပေမယ့် အလေးချိန်မတူနိုင်ဘူး။ ဒါက မြေကျပ်အား (ဝါ) မြေရဲ့ သိပ်သည်းမှုချင်း မတူလို့ပါ။ ဒီမြေကျစ်အားဟာ အိမ်ဆောက်မယ့်သူအတွက် အတိတ်နိမိတ်ပါပဲ။ ဘယ်လိုအတိတ်နမိတ်လဲဆိုတော့-

တူရင်းမြေတစ်ကော်စာဟာ-
တစ်ကျပ်သားရှိရင်ဆင်းရဲမယ်။
နှစ်ကျပ်သားရှိရင်ဘေးဒုက္ခတွေ့မယ်။
သုံးကျပ်သားရှိရင် လေးကျပ်သားရှိရင် သိပ်မကောင်းဘူး။ ငါးကျပ်သားရှိရင် လူတကာရဲ့ချစ်ခင်မှုကိုခံရမယ်။
ခြောက်ကျပ်သားရှိရင် လာဘ်ရမယ်။
ခုနှစ်ကျပ်သားရှိရင် အရပ်တစ်ပါးကို ပြောင်းရွေ့ ရတတ်တယ်။
ရှစ်ကျပ်သားရှိရင် ဥစ္စာဓနပေါများမယ်။
ကိုးကျပ်သားရှိရင် သိဒ္ဓိအပေါင်းနဲ့ပြည့်စုံနိုင်တယ်။
ဆယ်ကျပ်သားရှိရင်တော့ ဘေးဥပါဒ်အန္တရာယ်တွေ့ ကြုံရတက်တယ်။
ဆယ့်တစ်ကျပ်သားရှိရင် အသက်ရှင်မယ်။
ဆယ့်နှစ်ကျပ်၊ ဆယ့်သုံးကျပ်သားရှိရင် ပျော်ရွှင် ချမ်းသာစွာနေရမယ်။
ဆယ့်လေးကျပ်သားရှိရင် ချစ်သူခင်သူပေါများမယ်။
ဆယ့်ငါးကျပ်သားရှိရင် တော်မှန်တဲ့သူဖြစ်မယ်။
ဆယ့်ခြောက်ကျပ်သားရှိရင် ကောင်းတယ်။
ဆယ့်ခုနှစ်ကျပ်သားရှိရင်တော့ ဒေါသထွက်စရာ။ အမျက်ထွက်တာတွေ ဖြစ်မယ်။

✅ရိုးရာဓလေ့ပန္နက်ရိုက်ပုံ
*****************
ဒီလိုမြေကို စနစ်တကျရွေး၊ အိမ်ဆောက်မယ့်၊ နှစ်၊ လ၊ ရက်တွေ သေသေချာချာရွေးပြီးလို့ အိမ်ဆောက်ပြီဆိုရင် စစချင်းဆောင်ရွက်ရမှာက ပန္နက်ရိုက်ခြင်းပါပဲ။

ပန္နက်ရိုက်ရာမှာ ထုံးတမ်းအစဉ်အလာအရ မြေစောင့်နတ်ကို ပူဇော်ရပါတယ်။ ပူဇော်ရာမှာ တင်လှူရတဲ့၊ အရာတွေကတော့ အသားသက်လွတ် ထမင်းနှင့်ယိုစုံပါ။ ဒါတွေကို ဖက်သန့်သန့်နဲ့ထည့်ပြီး ပူဇော်ရပါတယ်။ ပူဇော်ရာမှာရတဲ့ ဆုတောင်းကတော့ ဒီလိုပါ။ (ရိုးရာအစဉ်အလာ ထိန်းသိမ်းမှတ်တမ်းတင်တဲ့အနေနဲ့ ထည့်သွင်းဖော်ပြပါရစေ)။ဥုံ ဘုမ္မိရာဇာ၊ မြေသင်္ချာကို၊ အစိုးရသည့် နဂါး သနင်း၊မြေနတ်မင်း၊ ကောင်းခြင်းတိုင်မြဲ၊ ပန္နက်သဲက၊ စသည်ရုံပေါင်း၊ ခြပုန်းတောင်ပို့၊ ဤသို့တစ်ကြောင်း၊ ရှေးသူဟောင်းတို့၊မကောင်းချွတ်လွဲ၊မြေထဲလားမြုပ်၊ အရုပ်ဆင်းချ၊ ဆိုရေးစသား၊ ဒေါသကင်းရေး၊ ကောင်းရာဆေးလော့၊ သူ့သွေးသွန်ရာ၊ ဆရာပြုဟောင်း၊ မကောင်းတစ်ဆေ၊ နေ့တွင်သည်ကား၊ ဝေးဝေးရှား၊ ဘုရားရုပ်တု၊ ဆင်းတုမလွတ်၊ ဓာတ်တော် မွေတော်ရှိငြားသော်လည်း၊ ကော်ရော်ရိုညွတ် နတ်တကာတို့၊ မပါစေကြောင်း။ ရေကြောင်းဆေး မည်။ အလျှံတည်၊ အရောင်ညီးညီး၊ လင်ပန်းကြီး နှင့်၊ ပွဲကြိုနတ်ယကာ၊ ကိုင်စွဲကာဖြင့်၊ အင်းကားလက်ယျာ၊ ဆေးကားလက်ဝဲ၊ ကိုင်စွဲအနေ မြေတွင်ချ၊ ပသမလွတ်၊ ယွင်းချွတ်သော်လည်း၊ နတ်ရှင့်ပွဲတော်၊ စားတော်ခေါ်လော့၊ ဇဟိ ံတတ္တိ ံဘုံဉ္ဇာဟိ ဘုဉ္ဇာဟိဒီလို ပူဇော်ဆုတောင်းပြီးရင် ဆန်ပေါက်ပေါက်တွေနဲ့ မြေကွက်အနှံ့ ကြဲဖြန့်ရပါတယ်။ ပြီးတော့မှ ပန္နက်ချကြလေ့ရှိကြပါတယ်။

တိုင်ထူရင် ရှောင်ရမယ့်အသား
**********************
အိမ်ဆောက်ရာမှာ မသုံးသင့်တဲ့အသားတွေကိုလဲ ညွန်ပြထားတာရှိပါသေးတယ်။ အဲဒီအသားတွေကတော့ မိချောင်း၊ မအူ၊ သခွပ်၊ သျှိသျှား၊ သီးသား၊ သပြေသား၊ သစ်ဆိမ့်သား၊ ရေသာသား၊ ကေလာသား၊ လက်ပံသား၊ လဲဝါတို့ဖြစ်ပါတယ်။

မိဘတိုင်ခြောက်လုံးရဲ့ အမည်သညာမြန်မာ့ရိုးရာ အိမ်ပုံစံအရ အဓိကကျတဲ့ တိုင်ခြောက်လုံးရှိပါတယ်။ ဒီတိုင်ခြောက်လုံးတည်ပုံနဲ့ အမည်တွေကတော့ ဟောဒီပုံစံအတိုင်းပါပဲ။

အရှေ့မြောက် (စုံပင်လယ်)
အရှေ့တောင် ( ဦးယူ )
အလယ်မြောက် ( ကျငန်းမ )
အလယ်တောင် ( ကျငန်းဖို )
အနောက်မြောက် ( သပြေ )
အနောက်တောင် ( ကုမ်ဘီ )

အဲဒီတိုင်ခြောက်လုံးမထူခင်မှာ တိုင်စိုက်မယ့်ကျင်းထဲကို ဟောဒီအတိုင်း ဆိုင်ရာရာ သွန်းလောင်းမြုပ်နှံရပါတယ်။
ကျငန်းဖိုကျင်းထဲ ပတ္တမြားစိမ်းရေလောင်းရမယ်။
ကျငန်းမကျင်းထဲကို ခဲရေ လောင်းရမယ်။
ဦးယူတိုင်စိုက်မယ့်ကျင်းထဲကို ကြေးနီမြုပ်ရမယ်။
စုံပင်လယ်တိုင်စိုက်မယ့်ကျင်းထဲကို ဆန်မြုပ်ရမယ်။
ကုမ်ဘီတိုင်စိုက်မယ့် ကျင်းထဲကို ကြေးဖြူမြုပ်ရမယ်။
သပြေတိုင်စိုက်မယ့်ကျင်းထဲကို ခဲမဖြူမြှုပ်ရမယ်။
ဒီတိုင်တွေကို မစိုက်မီက တစ်ခါတည်းမှန်ကန်အောင် စနစ်တကျစိုက်ထူရမယ်။ ပန္နတ်သေသေချာချာချပြီးမှ ထူရမယ်။ ထူပြီးတော့မှ မကြိုက်လို့ သဘောမကျလို့ဆိုပြီး ပြန်နှုတ်၊ ပြန်စိုက်တာမျိုးမဖြစ်စေရဘူး။
ဒါတွေလဲရှောင်ရဦးမယ် ။
အိမ်ဆောက်ရာမှာ ရှောင်သင့်တာတွေလဲ ရှိပါသေးတယ်။
အဲဒါတွေကတော့ -
အိမ်ဖြစ်တဲ့အတွက် တိုင်တွေ၊ ဘောင်တွေမှာ ကနုတ် ပန်းဆွဲတွေ ဘာတွေနဲ့ တန်ဆာမဆင်ရဘူး။
ထုတ်တန်းမစွပ်ခင် ယက်မတင်တာမျိုး မလုပ်ရဘူး။ ယက်မတင်ပြီးမှ ထုတ်တန်းစွပ်ရမယ်။ ကြမ်းခင်းထက်ကျော်ပြီး ရှည်ထွက်နေတဲ့ တိုင်တွေမရှိသင့်ဘူး။ ရှိနေရင် ဖြတ်ပစ်ရမယ်။ ခေါင်ရိုးနဲ့ (ခေါင်လျှောက်ခွ) မတင်ခင်မှာလဲ ကြမ်းမဖောက်ရဘူး။ ထုတ်တွေ၊ တန်းတွေ အစွန်းထွက်တာ မရှိစေရဘူး။ ရှည်ထွက်နေရင်ဖြတ်ပစ်ရမယ်။ ပြီးတော့ အိမ်မဆောက်ခင်က ၀င်းထရံကို ကြိုပြီး ခတ်မထားရဘူး။ အိမ်ဆောက်ပြီးမှ ၀င်းခတ်ရမယ်။ အိမ်သစ်ပြီးလို့ အိမ်သစ်တက်တော့မယ်ဆိုရင် သပြေသားကိုင်ပြီးမှ တတ်ရပါမယ်။ ကျောင်းသစ် တက်တော့မယ်ဆိုရင် သနပ်သားဆောင်ပြီးမှ တက်ရမယ်။ ဒါမှ ဘေးရန်ခပ်သိမ်း ကင်းငြိမ်းမယ်လို့ ဆိုပါတယ်။

အိမ်အကာအကွယ်
**************
အိမ်သစ်မှာနေထိုင်ကြမယ့် မိသားစုတွေ ဘေးဥပါဒ်အန္တရာယ်တွေကင်းဝေးအောင် ကာကွယ်ကြပုံလဲ ရှိပါသေးတယ်။
ကာကွယ်ပုံမှာ --
အရှေ့တောင်ကတိုင်မှာ သိ
အနောက်တောင်က တိုင်မှာ န
အနောက်မြောက်ကတိုင်မှာ ဗိ
အရှေ့မြောက်ကတိုင်မှာ ဘု
ဆိုပြီး ရေးသားရခြင်းပါပဲ။
အဲဒီ စာတစ်လုံးစီရဲ့ အရှည်ကတော့ -
သိ = သိကြား
န = နဂါး
ဗိ = ဗိဿနိုး
ဘု = ဘုရား ဖြစ်ပါတယ်။
ဒီစာရေးထားတဲ့ တိုင်တွေကိုလဲ ရွှေရည်၊ ငွေရည်၊ စိန်ရည်၊ ကျောက်ရည်တို့ သွန်းလောင်းပေးရပါတယ်။ ဒီလိုပြုခြင်းအားဖြင့် အိမ်သူအိမ်သားများဖို့ ဥပါဒ်အန္တရာယ်ကင်းရှင်းပြီး စိတ်ရဲ့ချမ်းသာခြင်း၊ ကိုယ်ရဲ့ချမ်းသာခြင်းတို့နဲ့ ပြည့်စုံနိုင်ပါသတဲ့ ။

အခုတင်ပြခဲ့တဲ့ အကြောင်းအရာတွေကတော့ မြန်မာ့ရိုးရာ ထုံးတမ်းအစဉ်အလာအရ အိမ်သစ်၊ ကျောင်းသစ် ဆောက်ရာမှာ ပြုလုပ်ဆောင်ရွက်၊ ရှောင်ကြ၊ ဆောင်ကြတဲ့အချက်တွေပါ။
ခေတ်နဲ့ လျော်ညီစွာရှိတယ်၊ မလျော်ညီတယ်ဆိုတာကိုတော့ စာဖတ်သူတို့ကို ဆုံးဖြတ်ခွင့်ပေးပြီး ရိုးရာဓလေ့ထုံးစံတစ်ရပ်ကို မှတ်တမ်းတင်တဲ့အနေနဲ့ ဖော်ပြလိုက်ရပါတယ်။

#ဆောက်လုပ်ရေး

#

10/05/2024

Sealer ဆိုတာဘာလဲ
ဘာကြောင့်သုတ်ရတာလဲ..?

Sealer ဆိုတာ ဆေးသုတ်မယ့်မျက်နှာပြင် Substrate နှင့် Topcoat ရဲ့ကြား Bonding Effect အဖြစ်ဆောင်ရွက်ပေးတဲ့ Layer တစ်ခုဖြစ်ပါတယ်။
Sealer ကိုသုံးစွဲခြင်းကြောင့်ငွေကြေးအနည်းငယ်ပိုကုန်ကျနိုင်သော်လည်း …

✅ဆေးသားတာရှည်ခံခြင်း၊

✅အစွန်းအထင်းအညစ်အကြေးများကိုဖုံးအုပ်ပေးခြင်း၊

✅ဆံချည်မျှင်ကဲ့သို့ အက်ကြောင်းများကို ဖုံးအုပ်ပေးခြင်း

✅ဆေးသားအရောင်တောက်ပခြင်းနှင့်ကျင်းအရေအတွက် ပိုရရှိစေခြင်း၊

✅Moisture ရေငွေ့ နှင့် ဘိလပ်မြေဓာတုပစ္စည်းများကြောင့်ဖြစ်နိုင်မည့် Efflorescence ဆေးသားများတွန့်ခြင်း၊

✅အဖြူအစင်းကြောင်းများနှင့်ကွက်ခြင်းများကိုကာကွယ်ပေးနိုင်ခြင်း စတဲ့အကျိုးကျေးဇူးများရှိခြင်းကြောင့် ကုန်ကျမယ့်ငွေထက် ပြန်ရရှိမယ့်အကျိုးကျေးဇူးပိုများပါတယ်။

💢Sealer ၂မျိုး၂စားရှိပါတယ်။

Water Base Sealer (ရေဆေး) နဲ့Solvent Base Sealer (ဆီဆေး) တို့ဖြစ်ပါတယ်။

💢ကျနော်တို့မြန်မာပြည်ရာသီဥတုအနေနဲ့က သာမန်မျက်နှာပြင်အမျိုးအစားများအတွက် Water Base Sealer ကလုံလောက်ပြီး၊ Moisture များတဲ့ မျက်နှာပြင် (သို့မဟုတ်) Chalking များတဲ့မျက်နှာပြင်မျိုးအတွက်တော့ Solvent Base Sealer ကပိုပြီးသင့်တော်ပါတယ်။

‼️ဆေးမသုတ်ခင် ဆီလာခံပေးဖို့လိုအပ်ပါတယ်။
ဆီလာခံခြင်းကြောင့်-

👉အစိုဓာတ် ကိုကာကွယ်ပေးခြင်း

👉alkali ခေါ် ထုံးဓာတ်ဖြစ်ပေါ်မှုကိုကာကွယ်ပေးခြင်း

👉ဆေးသားဆွဲမြဲခြင်း စတဲ့အားသာချက်တွေ ရရှိမှာပဲဖြစ်ပါတယ်။နည်းစနစ်မှန်ကန်ဖို့လည်း အဓိက လိုအပ်ပါတယ်။

#ဆောက်လုပ်ရေး

24/04/2024

Pile ရိုက်ခြင်း (24.4.2024)
===================
Location - တောင်ဥက္ကလာ ၊ ပင်းယလမ်း(၅)ရပ်ကွပ်

#ဆောက်လုပ်ရေး

23/04/2024

Foundation အတွက်
ဘာကြောင့်မနှမြောသင့်တာလဲ..?

အားလုံးလည်းသိတဲ့အတိုင်းပဲ အဆောက်အဦးတစ်ခုရဲ့ foundation ဟာ အပေါ်ပိုင်းအလေးချိန်အားလုံးကို မြေကြီးပေါ်ကို ဖြန့်ပေးတဲ့ member‌တွေဖြစ်ပြီး
Structure တစ်ခုမှာ အရေးကြီးဆုံးအစိတ်အပိုင်းတစ်ခုဖြစ်ပါတယ်။

ဒါကြောင့်ကုန်ကျစရိတ်မနှမြောသင့်တဲ့ လုပ်ငန်းဖြစ်တယ်ဆိုတာလက်ခံတယ်မဟုတ်လား..?🤔

1️⃣ အခုမကုန်ရင် နောက်ပိုကုန်မယ့် foundation
အစ၊ကနဦးတည်ဆောက်ကတည်းက foundation အတွက် လျော့ပြီးသက်သာအောင် ဆောက်ခဲ့မယ်ဆို နောက်ပိုင်းပြန်လည်ပြင်ဆင်ရတဲ့ ငွေတွေဟာ အဆပေါင်းများစွာ ပိုမိုကုန်ကြစေမှာပါ။

2️⃣ ကြာရှည်စိတ်ချစွာ အသုံးပြုနိုင်ခြင်း
အဆောက်အဦးတစ်ခုရဲ့ foundation ပိုင်းကြံ့ခိုင်တယ်ဆိုရင် superstructure ပိုင်းယိုယွင်းလာရင်တောင် repairing statement မှန်မှန်နဲ့ ပြန်လည်အသုံးပြုဖို့လွယ်ကူနိုင်ပါတယ်။

3️⃣ ငလျင်လိုမျိုး သဘာဝဘေးအန္တရာယ်တွေလာတဲ့အခါ settlement နည်းနည်းနဲ့ စွမ်းဆောင်ရည်ပိုမြင့်မားနိုင်ပါတယ်။

4️⃣ စိတ်ချလက်ကျ နေထိုင်အိပ်စက်နိုင်ခြင်း
ကိုယ့်ရဲ့အိမ်ကို သေသေချာချာတည်ဆောက်ထားသလို အခြေခိုင်ခိုင်လည်းရှိနေတာကို သိရတဲ့အတွက်ကြောင့် စိတ်ချမ်းသာစွာ နေထိုင်နိုင်မှာဖြစ်ပါတယ် ။

Foundation settlement ‌အနည်းငယ်လေးဟာ အိမ်တစ်ခုလုံးကို ဝါးမျိုသွားနိုင်ပါတယ်

ခြံရှိမြေကုန်ဆောက်ကြတဲ့အခါ နှစ်ထပ်အိမ်လေးဖြစ်ပေမယ့် Strap Foundation လိုမျိုးလည်းဖြစ်သွားနိုင်ပြီး ဒီလိုအချိန်မှာ မနှမြောပဲတည်ဆောက်ခဲ့မှ စိတ်ချလက်ချ နေနိုင်မှာဖြစ်ပါတယ်။

Architecture design ဘယ်လိုလှလှ၊ function ဘယ်လောက်ကျကျ၊ အခြေမခိုင်ရင် အကုန်ပျက်စီးသွားနိုင်တယ်ဆိုတာ သတိရစေချင်ပါတယ်..။

Crd to orginal owner

#ဆောက်လုပ်ရေး

23/03/2024

"အုတ်စီနည်း အုတ်တွက်နည်း"

အုတ်စီရာတွင် ဘိလပ် မြေနှင့် အုတ်ကုန်ကျတာလေးတွေကို ဝါသနာပါတဲ့ စိတ်ဝင်စားသူ များအတွက် ပြန်တင်ပေးတာပါ။

၉'' လက်မ အုတ်ရှိးစီရာတွင် (၁၀×၁၀) ပတ်လည် တစ်ကျင်း စီရာတွင် အုတ်အလုံးရေ = ၁၀၄၀ ခဲ

အလျား = ၂၆ ခဲ
အနံ = ၄၉ ခဲ

၂၆×၄၀ = ၁၀၄၀ ခဲ ကုန်ပါတယ်။ (၄''လက်မခွဲ ) အုတ်စီရာတွင် ကုန်ကျ နည်းပါ တစ်ခါတည်း တင်ပေးလိုက်ပါတယ်။
(၁၀×၁၀) ပတ်လည် ၄''လက်မခွဲ အုတ်စီရာတွင် အလျား....=၁၃ခဲ ၅မူး ၅မူးဆိုတာကတော့ အုတ်တစ်လုံးကို တစ်ကျပ်လို့ သဘောထားပြီး တစ်ကျပ် ရဲ နှစ်ပိုင်း တစ်ပိုင်းကို ၅မူးလို့ သက်မှတ်ပါတယ်။

အနံ (မြင့်) ၄၀ ခဲ
၁၃/၅×၄၀ = ၅၄၀ ကုန်ပါတယ်။

၉'' လက်မအုတ် ရိုးနစ်ကျင်းစီရာတွင် ဘိလပ်မြေ ၁×၄ အချိုး ၆ အိပ် ကုန်ပါတယ်။
၄''လက်မခွဲ တစ်ကျင်း အုတ်စီရာတွင် ၁×၄ အချိုး ဘိလပ်မြေ ၂အိပ်နှစ်အိပ်တစ်ပိုင်း ကုန်ပါတယ်။

၉'' လက်မအုတ် ရိုးစိရာတွင် အလွှားမထက်ရာအောင် 'စုံ,မ ခွဲခြားစီတတ်ဖို့လိုပါတယ်။ ဒါမှ ဒမ် နှစ်လွှား = စုံနစ်လွှား ထပ်မှာမဟုတ်ပါ။
၃-၅-၇-၉ မ, ဂဏန်း များတွင် ဒမ်စီပြီးသွားရရပါမည်။
၂-၄-၆-၈,စုံ ဂဏန်း များတွင် အကွက်ဖော်ပြီးစီးသွားရပါမည်။
အုတ်တွေကြားမှာ မာဆလာ ၅ မူး ပုံမှန်ရှိရပါမည်။ ဒါမှခိုင်ခန့်ပြီးကြည့်လိုက်ရုံနှင့် အမြင်ကောင်းကောင်းရှိပါသည် နောက်ပြီး ဂျပန်ကွက် တရုပ်ကွက်လို့ အကွက်ရိုက်ကြတာ နှစ်မျိုးခွဲခြားထားပါတယ်။ ဂျပန် ကွက်တွင် အလျား ၂ခဲ အနံ၂ခဲ ပုံမှန် သွားရပါသည်။

တရုပ်ကွက်တွင် အဲလိုမဟုတ်တော့ပါ ။
အလျား ၂ ခဲ အနံ ၁ခဲဖြစ်ပါတယ် ခိုင်ခံနိုင်ခြင်းကတော့ ဂျပန်ကွက် နှင့် စီသွားပြီးအလျား ၂ ခဲ၊ အနံ ၂ခဲ စီရင်ပိုခိုင်ပါတယ်။

to original writer

13/03/2024

အဆောက်အဦဆောက်ဖို့ 𝐅𝐨𝐮𝐧𝐝𝐚𝐭𝐢𝐨𝐧 ချတဲ့အခါ...

1.မြေမတူးခင် အရင် ပန္ဒက်ရိုက်၊ပတ်တန်းပြေးဖို့ လိုအပ်ပါတယ်။

2.မြေတူးဖို့ အကွက်ချပီး မြေတူးရမယ်။

တချို့မြေတွေမှာ မြေကို လိုအပ်သလိုပုံဖော်တူးလို့မရတာ ကြုံရပါတယ်။မြေပြိုကျမူမဖြစ်အောင် ကျားကန်ပီး ကာပေးထားမှသာ မြေတူးဖို့ အဆင်ပြေမယ်။
တစ်ခါတစ်လေကျလဲ မြေတူးနေရင်း ရေစိမ်ထွက်လာတာတွေနဲ့ ကြုံတွေ့ရပါတယ်။ရေစိမ့်ထွက်လာတဲ့အနေအထားပေါ်ကြည့်ပီး သေချာတဲ့ ဆုံးဖြတ်ချက်ချဖို့ လိုအပ်ပါတယ်။

3.တူးပြီးမြေကိုညီညာပြန့်ပြူးအောင်ညှိရမည်။

လိုအပ်တဲ့ အကျယ်အဝန်း၊လိုအပ်တဲ့ အနက် အနေအထားထိ မြေတူးပီးပီဆိုရင်တော့...
မြေကို ညီညာပြန့်ပြုးအောင် ညှိရမည်။မြေအနေအထားကောင်းမွန်တယ် BC ရတယ်ဆိုရင်တော့.. Lean ကို တန်းလောင်းလို့ရပါမယ်။
မြေအနေအထားမမှန် တစ်ဖက်မာ တစ်ဖက်ပျော့နေရင်တော့..အင်ဂျင်နီယာညွှန်ကြားချက်အတိုင်း ပြုလုပ်ဖို့ လိုအပ်ပါတယ်။

4.Lean လောင်းပီးသွားပီဆိုရင်တော့ အရင်ဆုံး ဘလော့တုံးခုပီး သံဇကာချရမယ်။

သံဇကာတွေကို များသောအားဖြင့် (90*)Hook နဲ့ ချကျတာ တွေ့ရတယ်။သံဇကာအပေါ်မှာ ဘဲခြေထောက် (90*) Hook နဲ့ Short Column ထောင်ကြတယ်။

5.သံဇကာချပီး Short Column လဲ ထောင်ပီးပီဆိုရင်တော့ Short Column သံချောင်းတွေမှာ ဘလော့တုံး ချည်ခဲ့ရပါမယ်။

သို့မှသာ Cover မှန်ကန်တဲ့ Short Column ကို ရရှိမှာဖြစ်တယ်။Formwork ကာပီး လောင်းတဲ့အခါ..
တခြားသော Short Column တွေနဲ့ Line မှန်၊မမှန် စစ်ဖို့လိုအပ်တယ်၊ကျင်တွယ်ကျမကျ ချိန်ချရမယ်
Dowel Bar တွေ ထည့်ခဲ့ရမယ်။

6.Short Column တွေ လောင်းပီပီဆိုရင်တော့ Retaining Wall အတွက် အုတ်စီလုပ်ငန်းစဖို့ ကြားလိုင်းတွေ တူးဖို့ လိုပါတယ်။

ကြားလိုင်းတွေ တူးတဲ့အခါ Level မှန်ကန်စွာ တူးဖို့လိုအပ်တယ်။အုတ်မစီခင် Lean လောင်းရန်အုတ်တွေကို ရေဖြန်းပေးထားရမယ်။Lean တွေ လောင်းပီးရင်တော့ ကွန်ကရစ်အသားကျတဲ့အချိန် အုတ်စစီလို့ရပါပြီ…

7. အုတ်မစီခင် သန့်ရှင်းရေးလုပ်ခြင်း၊အုတ်စီတဲ့အခါ နှာသပ်ပါ နှာပိတ်ပေးခြင်းတို့ကိုပြုလုပ်ရမယ်။

အချောကိုင်တာ မကိုင်တာတော့ မပြောလိုပါဖူး
အတော်တော်များများက မြေကြီးထဲမှာလုပ်နေတဲ့ R.Wall တွေကို အချောမကိုင်တာကိုတွေ့ရတယ်။

8. ပီးရင်တော့ Plinth Beam လောင်းဖို့ ပြင်ဆင်ရမယ်။

ဘာBeam လောင်းလောင်း၊ဘယ်Column လောင်းလောင်း သံချောင်းလေးချောင်း အနဲဆုံး ထည့်ပေးပါ
စတားကွင်းကို ခြောက်လက်မကြားပဲ ထည့်ပါ
အဲ့ထက် ကျဲသွားရင် မကောင်းပါဖူး။ဘလော့တုံးခုဖို့ မမေ့ပါနဲ့။သန့်ရှင်းရေးလုပ်ဖို့မမေ့ပါနဲ့ကွန်ကရစ်လောင်းပီးတိုင်း ရေဖျန်းပေးဖို့ လိုအပ်ပါတယ်။

📛အုတ် နှစ်ပေ/သုံးပေစီပီးတိုင်း ဂျာလီထည့်ပေးတာ ပိုကောင်းတယ်။အလုပ်ဇောတွေ ကပ်နေတဲ့အခါ ဒီအကြောင်းအရာတွေကို မေ့နေတက်တယ်။

လိုအပ်တာတွေ ရှိရင်ဖြည့်စွတ်နိုင်ပါတယ်။

Shwe San Eain Hlaing Construction

09/03/2024

"Concrete Cover မမှန်ရင် ဘာဖြစ်လာမလဲ?"

-သံကူကွန်ကရိမှာ သံချောင်းကသူ့နေရာနဲ့သူနေဖို့ အရေးကြီးပါတယ်။

- နေရာရွေ့သွားရင် သူ့အလုပ်သူကောင်းကောင်းမလုပ်နိုင်တော့ပါ။

-ဒါကြောင့် သံချောင်းတွေသူ့နေရာနဲ့သူရှိဖို့ block တုံးတွေကို စနစ်တကျခုရမှာဖြစ်ပါတယ်။

-ကြီးကြပ်အင်ဂျင်နီယာတွေ အနေနဲ့လည်း အလေး‌ပေးဆောင်ရွက်ရပါမယ်။

-အလုပ်လုပ်တဲ့ ပန်းရံ၊ချည်ကွေးတွေရဲ့အမြင်မှာ အလုပ်ပိုတစ်ခုလို မဖြစ်အောင်ရှင်းပြရပါမယ်။

- သံကသူ့ဝန်ထမ်းဖို့၊concreteကသူ့ဝန်ကိုထမ်းဖိုလိုအပ်တဲ့အပိုင်းအခြား coverတွေကြိ Slab,Beam, Column သူ့သတ်မှတ်ချက်အတိုင်း ကိုက်ညီအောင် သင့်တော်တဲ့Cover block အရွယ်အစားရွေးချယ်အသုံးပြုရပါမယ်။

-ပန်းရံဆရာက လောင်းရင်းနဲ့ slabသံဇကာကို မ,မပြီးcoverရအောင်ယူလိုက်ပါမယ်၊ကျောက်ခဲခုလိုက်ပါမယ်ဆိုတာတွေကို ကြီးကြပ်အင်ဂျင်နီယာကသာဆုံးဖြတ်ပေးရပါမယ်။

-တကယ်လောင်းတဲ့အခါ သံဇကာတစ်နေရာ မ,မမိလိုက်လို့ကျောက်သွေးဝိတ်နဲ့ အောက်အခင်းပြားကပ်သွားတဲ့အခါ ဘာဆက်လုပ်မလဲ?

-ကျောက်ခဲခုလိုက်လို့ လောင်းနေတဲ့အချိန်သံဇကာပေါ် အလုပ်လုပ်ရင်းနင်းရင်းကျောက်ခဲတွေနေရာရွေ့
သွားရင် ကျောက်ခဲကြေမွသွားရင် ဘာဆက်လုပ်မလဲ?

-ဒါကြောင့် cover block ကိုကြိုတင်ထုတ်လုပ်ခြင်း၊
အသင့်ထုတ်ပြီးသားဝယ်ယူခြင်းတွေ လုပ်ရပါမယ်။

-စနစ်ကျတဲ့cover blockမှာ သံနဲ့တွယ်ချည်ဖို့
သွပ်နန်းကြိုးအပေါက်ပါရပါမယ်။အရွယ်အစားတိကျရပါမယ်။

-သေချာဖျော်စပ်ပြီး လိုအပ်တဲ့အရည်အသွေးပြည့်ပြီးသားဖြစ်ရပါမယ်။

-Cover block ခုတဲ့နေရာမှာလည်း လူတစ်ဦးနင်းလိုက်လို့ သံဇကာညွတ်သွားခြင်းမရှိတဲ့အစိတ်အကျဲအတိုင်းခုရပါမယ်။

ဥပမာ -၂ပေပတ်လည်ခြားခြင်း၊
patternအရ Zigzagလားအပြိုင်လားစသည်ဖြင့်
စနစ်တကျခုထားရပါမယ်။
-Cover block မပါလို့သံကသူ့နေရာနဲ့သူမရှိရင်
သံကူကွန်ကရိရဲ့ဝန်ထမ်းနိုင်တဲ့ပမာဏလျော့သွားမှာဖြစ်ပါတယ်။

to owner

Shwe San Eain Hlaing Construction Co.,Ltd.

04/07/2024

01/07/2024

23/05/2024

23/05/2024

10/05/2024

24/04/2024

23/04/2024

23/03/2024

13/03/2024

09/03/2024

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00