Huis Aristea

Name: Huis Aristea
Address: 5 Queen Street, Durbanville, ZA
Telephone: +27219763166

Home
South Africa
Durbanville
Huis Aristea

Call Website Contact the business

Huis Aristea is op 14 April 1975 amptelik ingewy. Die naam Huis Aristea kom van 'n aristeablom wat vandag nog hier in Durbanville naby die renbaan groei.

Huis Aristea is 'n program van Badisa.

31/10/2026

✨🥂 DIS AMPTELIK! HUIS ARISTEA IS ONDER DIE BESTES! (Die Burger 29 Oktober 2026) 🥂✨
Vanuit die hart van Durbanville tot op die voorblad van Die Burger se Jou Keuse 2026! 💛🏆
Wie sou kon dink dat ons geliefde Huis Aristea, ’n tehuis met ’n hart vir mense en ’n geskiedenis wat terug strek tot 1975, eendag saam met van die mees gesogte privaat aftree-oorde in die land op dieselfde verhoog sou staan?
Wel, hier staan ons nou! En ons harte loop oor van trots! ❤️
Die uitslae van Die Burger se Jou Keuse 2026 is bekend, en Huis Aristea het amptelik sy plek tussen die voorste name in die aftreeoordbedryf ingeneem! Ons is aangewys as derde op die aftreeoordranglys, ná Evergreen Lifestyle en Oasis, en deel dié erkenning met Klaradyn.
Ons is nie ’n luukse privaat aftreelandgoed met spoggerige bemarkingsbegrotings nie. Ons is ’n gemeenskapsgerigte, nie-winsgewende organisasie met ’n diepgewortelde roeping: om ons seniors met waardigheid, deernis en bekostigbare sorg te dien.
En tog staan ons naam nou trots tussen die grotes! 🌟
Wat maak hierdie prestasie so besonders?
Dit is nie bloot ’n plek op ’n ranglys nie. Dit is ’n erkenning van dit waarvoor Huis Aristea elke dag staan.
💛 Ons toegewyde personeel.
💛 Ons inwoners.
💛 Ons families.
💛 Ons ondersteuners en donateurs.
💛 Ons gemeenskap.
By Huis Aristea glo ons dat uitnemendheid gemeet word aan die hand wat vashou, die oor wat luister, die glimlag wat gerusstel, die waardigheid waarmee elke mens behandel word.
Dít is ons trots. Dít is ons roeping. Dít is ons Ons Omgee! ❤️
Hierdie prestasie behoort aan elke personeellid, elke inwoner, elke familielid, elke vrywilliger en elke ondersteuner wat deel is van die Huis Aristea-storie.
Ons is dankbaar. Ons is nederig. Maar vandag is ons beslis ook baie trots op onsself!
Want kyk nou net waar staan ons! 😍
HUIS ARISTEA – SIMPLY THE BEST!
Nie omdat ons die grootste is nie, maar omdat ons elke dag daarna streef om die beste van onsself te gee.
Van 1975 tot 2026: steeds besig om om te gee, steeds besig om ’n verskil te maak, en nou amptelik onder die uitblinkers!
Durbanville, hierdie een deel ons met julle! 🥂🏆

30/10/2026

’n Vrydag vat 1ste prys… want dis BINGO! 🎉🏆
By Huis Aristea weet ons:
Vrydag is nie sommer net Vrydag nie…
dis BINGO-VRYDAG! 😄🎱

29/10/2026

🏆 ’N GROOT DANKIE AAN ONS POTJIEKOS-BEOORDELAARS! 🍲❤️
Baie dankie aan Madeleine en Elmari wat die moeilike taak gehad het om ons heerlike potjies te beoordeel! 👏🔥
Ons weet dit was beslis nie maklik om tussen al die spanne se geheime bestanddele, liefde en potjiekos-talent te kies nie! 😋
Dankie dat julle julle tyd, kundigheid en entoesiasme met Huis Aristea se basaar en potjiekoskompetisie gedeel het. Julle betrokkenheid het gehelp om die dag nóg meer spesiaal te maak.
En dankie ook aan Feedem vir die borg van die wenprys! 🏆🎁
Julle is wenners in ons oë! ❤️

28/10/2026

🧠💜 BREINKRULLE & VERGEETGOED! KOM ONS PRAAT DEMENSIE. 💜🧠
Is jy ’n ouer persoon, of is iemand vir wie jy lief is met demensie gediagnoseer? Dan is hierdie geleentheid spesiaal vir JOU!
Demensie is ’n werklikheid wat al hoe meer gesinne raak. Hoe meer ons verstaan, hoe beter kan ons voorberei, ondersteun en met liefde en geduld omgee. ❤️
Huis Aristea nooi jou hartlik uit na ’n insiggewende gesprek met Marnel Coetzee, Feedem se Operasionele Bestuurder en kenner van demensie – ’n gesprek wat begrip bring en harte oopmaak.
🌷 Ons moedig ALLE kinders, familielede, vriende en lewensmaats van ouer persone wat met demensie leef sterk aan om hierdie geleentheid by te woon! Kennis kan jou help om die pad vorentoe met meer begrip, selfvertroue en hoop aan te pak.
📅 Datum: Dinsdag, 10 November 2026
🕕 Tyd: 18:00
📍 Plek: Huis Aristea, Durbanville
🎟️ Koste: R100 per persoon
☕ Koffie, tee en iets soets sal bedien word.
📧 Besprekings en bewys van betaling: [email protected]
Moenie hierdie geleentheid misloop nie! Kom luister, kom leer en kom verstaan. Want agter elke diagnose is ’n mens, ’n storie en ’n hart wat begrip nodig het. 💜
Huis Aristea – Ons Gee Om!

27/10/2026

❤️🍲 WENNERS IS NIE NET DIÉ WAT PRYSE WEN NIE! 🍲❤️

Aan al ons ander potjiekosspanne wat nie die 1ste, 2de of 3de plek behaal het nie — julle is steeds wenners in eie reg! 🏆👏

Julle het met entoesiasme, kreatiwiteit, geheime bestanddele en hope spangees ingespring. Julle het saam gekook, saam gelag en saam gehelp om Huis Aristea se basaar en potjiekoskompetisie ’n reuse sukses te maak! 🔥🥘

Want op die ou end gaan dit nie net oor die prys op die tafel nie, maar oor die hande wat saamwerk, die harte wat omgee en die verskil wat ons saam maak in ons inwoners se lewens. 💗

Dankie dat julle deel was van hierdie heerlike avontuur! Ons waardeer elkeen van julle.

En onthou… volgende jaar wag daar weer ’n pot, ’n vuur en ’n nuwe kans om die beoordelaars se monde te laat water! 😜🔥

💥 SPANWERK WEN ALTYD! 💥

❤️

26/10/2026

💗 ’N GROOT DANKIE AAN IMMPLOY RECRUITMENT AGENCY! 💗

By Huis Aristea is ons ongelooflik dankbaar vir die ruim skenkings en ondersteuning van Immploy Recruitment Agency aan ons basaar en potjiekoskompetisie! 🌸🙌

🎁 ’n R2 000-geskenkbewys vir poedingbestanddele – sodat ons heerlike soet bederfies kon voorberei!

🏆 ’n Geborgde tweede prys vir ons potjiekoskompetisie – wat bygedra het tot die opwinding en sukses van die dag!

Julle ruim bydraes help ons om fondse in te samel en ’n verskil in ons inwoners se lewens te maak. ❤️

Dankie dat julle saam met ons omgee, hande vat en help bou aan ’n gemeenskap waar ons ouer mense met liefde en waardigheid versorg word.

Saam maak ons ’n verskil! 💗

25/10/2026

🏆🔥🥁 ONS HET WENNERS! DIE POTJIEKOSKAMPIOENE VAN HUIS ARISTEA! 🥁🔥🏆
Die kole het gebrand, die geheime bestanddele is ingegooi, die deksels is gelig en die spanning was groot by die jaarlikse basaar en potjiekoskompetiaie op 10 Oktober 2026! 🤩🍲 Die potte het geprut, die geure het ons behoorlik laat waterbek en die beoordelaars moes ’n moeilike besluit neem!
Maar daar kan net een span die kroon dra! 👑
🥉 3DE PLEK: PROTEA 🌸 🍖 Lamsboudpot Baie geluk, Protea! Julle het behoorlik gewys hoe ’n wenresep lyk! 🎁 Prys geborg deur Huis Aristea.
🥈 2DE PLEK: HARMONIE 🎶 🍲 Beesstertpot Julle het die potte laat sing en ons monde laat water! Wat ’n puik poging! 🎁 Prys geborg deur Immploy Recruitment Agency. Baie dankie vir julle ruimhartige ondersteuning! ❤️
🥇 EN DIE GROOT WENNERS IS… DISA! 🎉🎉🎉 🍖 Lamskenkelpot JULLE HET DIT GEDOEN! 🏆🔥 Die goue potjiekroon behoort aan julle, span BLÊRPOT! Baie geluk met julle welverdiende eerste plek!
🎁 Prys geborg deur Feedem – baie dankie dat julle saam met ons hierdie heerlike kompetisie moontlik gemaak het! 💗
👏 Aan al ons spanne: julle het nie net heerlike potjies gemaak nie, julle het spanwerk, kreatiwiteit en hope geesdrif gewys! Julle is almal wenners in ons oë!
💥 SPANWERK WEN ALTYD! 💥
Dankie aan ons borge, deelnemers, beoordelaars en elkeen wat hierdie dag so ’n reuse sukses gemaak het. By Huis Aristea gaan dit oor veel meer as potjiekos – dit gaan oor saamstaan, saamkuier en saam ’n verskil maak! ❤️
Disa, geniet julle kampioentitel… want oor ’n jaar kom die ander spanne terug vir wraak! 😜🔥🍲

24/10/2026

🌸 VANDAG SPOG ONS MET ONS SPAN, ONS TROTS, ONS DANKBAARHEID! 🌸

Vandag spog ons met nóg 'n klomp staatmakers wat Huis Aristea se basaar so besonders gemaak het! ❤️

Van die geurige kerrie en rys met Vanessa wat opskep tot die heerlike vetkoeke, bros samoosas, romerige melkkos, pampoenkoekies en smaaklike lewerkoekies – agter elke tafel was daar hardwerkende hande, liefdevolle harte en mense wat met oorgawe gegee het - Willie, Marietjie, Helene, Jeanette en al die ander helpers met gewillige harte en hande. 🥘🥟😋

En dan is daar ons kuiertent met Hester, Elize en Brian – waar mense kon sit, kuier, lag en sommer net die lekker saamwees geniet! ☕🪑

Aan elkeen wat vroeg opgestaan, voorberei, gebak, gekook, gebaklei, verkoop, bedien en opgeruim het: BAIE, BAIE DANKIE! 🌷

Julle is die mense wat nie altyd op die voorgrond staan nie, maar sonder wie hierdie dag eenvoudig nie moontlik sou wees nie.

Ons spog met julle, ons waardeer julle en ons harte loop oor van dankbaarheid. Julle hande het nie net kos bedien nie – julle het gehelp om 'n verskil in ons inwoners se lewens te maak. 💗

Want by Huis Aristea glo ons: Spanwerk wen altyd! 🙌

Dankie dat julle saam met ons omgee, saamwerk en saam 'n verskil maak. Ons is waarlik geseënd!

🌸

22/10/2026

✨ SOMS SLAAN DIE LEWE JOU ASEM WEG… EN VANDAG WAS SO ’N DAG! ❤️🙏
Soms gebeur dinge wat jou hart sommer ’n paar slae vinniger laat klop en jou weer laat besef hoe groot die wonderwerk van omgee werklik is.
🌸 Ilana van Clicks het by ons kom inloer met ’n ongelooflike donasie van die wonderlikste Clicks-produkte vir ons 2026-Kerskouse vir ons inwoners én personeel! 🎁 Wat ’n lieflike gebaar wat beslis baie glimlagte gaan bring! Dankie Ilana, jy's 'n engel!
🐟 En toe stop Jacques namens Helpende Hand met sy trokkie en lewer ’n besonderse besending vis by ons af. Hoe wonderlik is dit nie!
Twee verrassings. Twee mooi harte. Een groot boodskap: daar is steeds mense wat met oop hande en liefde gee. ❤️
By Huis Aristea noem ons dit nie sommer net donasies nie… ons noem dit wonderwerke in die regte sin van die woord! ✨
Ilana, Clicks, Jacques, Helpende Hand — dankie dat julle ons help om omgee tasbaar te maak. Julle maak ’n groter verskil as wat julle ooit sal besef!
Want wanneer mense met liefde gee, word gewone dae buitengewone seëninge. 🙏💝

22/10/2026

🐘 VANDAG SPOG ONS MET ONS WIT OLIFANTE & THRIFT CLOTHING! 👗🛍️

Wat vir die een persoon dalk ’n “wit olifant” is, kan vir iemand anders ’n wonderlike vonds wees! 😉✨

Maar voordat daardie vonds op die tafel beland, is daar baie, baie harde werk wat agter die skerms gebeur. Lenie en haar span is altyd aan die draf en werskaf met wit olifante.

Alles moet uitgepak, uitgesorteer, gemerk, afgestof, opgeknap en mooi reggesit word – en partykeer moet iets sommer net weer ’n bietjie liefde en lewe kry. ❤️

’n Groot DANKIE aan ons ongelooflike leefreg- en dubbelwoonstelspanne wat hierdie tafels met soveel liefde, sorg en toewyding behartig.

Julle doen dit sonder om te kla, met groot entoesiasme en trots – en die resultate spreek vanself! 👏👏👏

Van ’n boks vol goed na ’n tafel vol skatte wat wag vir ’n nuwe huis… 🏠✨

Ons sien julle harde werk. Ons waardeer julle moeite. En ons is ongelooflik trots op julle! ❤️

Nou ja… wie weet watter wit olifantjie wag om jou volgende groot vonds te wees? 🐘😜

Address

5 Queen Street
Durbanville

Telephone

+27219763166

Website

https://aristea.org.za/

Alerts

Be the first to know and let us send you an email when Huis Aristea posts news and promotions. Your email address will not be used for any other purpose, and you can unsubscribe at any time.