15/06/2023
❌بعد اذنك متشتريش عدد مراحل!!!
من أكبر المشاكل اللي الناس بتبقى تايهة فيها، هو إجابة سؤال "اشتري فلتر 3 مراحل ولا 7 ولا 10 مراحل أحسن!؟"
والسؤال هنا غلط كبير جدا لأن لازم تبقى فاهم أن الصناعة دي الأساس فيها بتبقي خمس وست مراحل حسب الماركات العالمية،وأي إضافة تانية بيكون حسب احتياجك كعميل هيشتري.
فمثلا: -لو الدكتور قالك لازم تبعد عن مياه الحنفية وتشرب مياه من الفتلر عشان نسبة الأملاح-
فانت الأفضل تجيب فلتر بنظام تشغيل R.O عشان ده اللي بيعمل معالجة للأملاح وممكن تضيف عليهم مرحلتين زيادة عشان تعوض الأملاح أو تستخدم خاصية التحكم في الأملاح علشان تحصل على نسبة أملاح مناسبة ليك بطريقة صحية.
وعلى العكس، لو نسبة الأملاح في المياه أقل من 250 فالأحسن انك تستخدم فلتر بيشتغل بنظام اسمه
"Filteration"
والمشكلة هنا بقى انك مينفعش علميا تستخدم نظام الـ RO لنسبة أملاح قليلة، ولا حد يضحك عليك ويضيف مراحل على فلتر بيشتغل بنظام الـ "Filteration" ويبقى سبع مراحل
فنظام الـ R.O ممكن يبقى 5 أو 6 أو 7 مراحل أو اكتر حسب عينة المياه واستخدامك
لكن نظام الـ "Filteration" ممكن يكون مرحلة أو 2 أو 3 أو 4 أو 5 كحد أقصى
لكن اللي بيحصل دلوقتي إن ناس كتير بتبيع الـ "Filteration" بسبع مراحل لان الناس بتشتري عدد ومعندهاش علم بالفرق
لكن للأسف ده بنعتبره في مجالنا نصب
وهكذا من المشاكل اللي فيها احتمالية كبيرة تضرك..
ممكن تقولنا احتياجك أو طلبك وهنقولك بالظبط انت يناسبك إيه!
✅المهم كل إضافة لازم يكون المعيار فيها هو "الاحتياج" أو "الطلب" اللي انت عايزه فـ متسمحش لحد ينصب عليك ومتشتريش عدد مراحل لأنه مش مقياس على أن الفلتر دا حلو أو وحش!!!
❌وانت بتشتري متدورش حسب "بلد المنشأ"
لأنها أسهل حاجة ممكن تتضرب وكتير من المنتجات في السوق "صيني" ومكتوب عليها "تايواني" عشان تبيع.
فبلد المنشأ مش معيار على الجودة
✅ دور على حاجة ليها مصدر معلوم أو ماركة معروفة وليها سلسلة منتجات موجودة في السوق، وقولنا برضه انت قابلت ماركة إيه واحنا هنقولك هي مضمونة ولا أي كلام.
المهم في النهاية يكون براند، حتي لو "صيني" مش "شغل شعبي"
