03/12/2025
⚠️ تحذير مهم جدًا لكل اللي بيشتري ماكينة قهوة في مصر – خصوصًا De’Longhi
انتشر اليومين دول غش كتير في سوق الماكينات…
مكن متجدد / Refurbished من الإمارات أو شغل جمارك قديم متخزن بقاله سنين… وبيتباع على إنه جديد وبسعر أقل من الطبيعي!
وعلشان محدش يقع في الفخ… لازم تتأكد بنفسك إن المكنة جديدة زيرو – مش مستخدمة – ولا متفتحت قبل كده.
⸻
🔍 إزاي تكشف المكنة الأصلية الجديدة؟ أهم 4 نقاط
⸻
1️⃣ السيريال الداخلي والخارجي لازم يكونوا مطابقين
▪ على جسم المكنة فيه سيريال
▪ وعلى الكرتونة فيه سيريال
لازم يكونوا نفس الرقم بالضبط
لو مختلفين → المكنة مش جديدة أو حصل عليها استبدال وتجديد.
⸻
2️⃣ شغل الجمارك المتخزن بيبان
فيه مكن جاي من مزادات جمارك…
اتخزن في مخازن سنين، اتعرض لتراب ورطوبة، وتعمله “تلميع” ويتباع على إنه جديد!
لازم تشوف:
✔ تاريخ الإنتاج
✔ حالة الكرتونة
✔ حالة الملحقات (أتفه تفصيلة بتفضح)
⸻
3️⃣ الكرتونة الأصلية والسيلد الحقيقي
الكرتونة الجديدة بتبان…
▪ مفيهاش قطع أو لزق زيادة
▪ الأختام سليمة ومفيش إعادة غلق
▪ استيكرات المصنع مش متغيرة
▪ الشحنات الأصلية بتيجي “برشمة مصنع”… مش استريتش ملفوف يدوي
لو الكرتونة مفتوحة أو متلصقة → فيه حاجة غلط.
⸻
4️⃣ السوفت وعدّاد الشوتات – ده أهم حاجة!
كل موديلات De’Longhi الحديثة فيها “Service Menu”
تقدر تعرف منها:
✔ عدد الشوتات
✔ عدد تشغيل السخان
✔ ساعات الاستخدام
المكنة الجديدة = 0 شوت / 0 استخدام
لو البائع رفض يفتح السرفيس → إشارة خطر × خطر 🚫
⸻
⸻
📌 شارك البوست… علشان تحمي غيرك من النصب ده
