Asociación Paseniño

28/05/2026

Grazas 💙💙💙

La entidad dispone de un nuevo local en Cee, donde desarrolla un amplio programa de actividades

28/05/2026

💙💙💙

Segue a Asociación Paseniño afianzando o seu papel como entidade de referencia na Costa da Morte no apoio á infancia e a adolescencia con diversidade func

26/05/2026

Rematamos con bo sabor de boca o ciclo de charlas no Ciclo Medio de TCAE no .iesagraderaices do 💙

Para nós é fundamental que as profesionais que van traballar con persoas con diversidade cheguen ao mundo laboral con unha mirada diferente: máis comprensiva, máis respectuosa e máis preparada.

Ao longo de tres sesións falamos de neurodiversidade e discapacidades non visibles, de como mellorar a comunicación con cada persoa, de respectar a autonomía e a dignidade, de entender a conduta como unha forma de comunicar, e de como a mirada profesional cambia por completo a forma de actuar.

Porque a atención de calidade non é só técnica. É tamén saber ver o que non se di, adaptar a comunicación, respectar a autonomía e entender que detrás de cada conduta pode haber dor, medo ou falta de comprensión.

Grazas ao profesorado por abrir este espazo. E ao alumnado, pola súa curiosidade e disposición.

E un agradecemento moi especial á nosa psicopedagoga Carina Mouzo de , polo seu bo facer, a súa profesionalidade e a sensibilidade coa que acompaña sempre cada iniciativa 💙

Cando cambiamos a mirada, tamén cambiamos a forma de acompañar ✨

DiscapacidadeNonVisible Galicia

20/05/2026

📢 Este sábado Cee recibirá a Susana Gómez Castiñeira 💙

Dende Paseniño sumámonos á recepción da nosa veciña, que continúa o reto solidario 🚴‍♀️ “RARA. ÚNICA. Mi viaje con Cris”, unha iniciativa coa que está percorrendo centos de quilómetros en bicicleta para dar visibilidade ás enfermidades raras e transmitir unha mensaxe de apoio, inclusión e esperanza.

📍 Alameda de Cee
📅 Sábado, 23 de maio
🕔 Arredor das 17:00 h

Queremos facerlle unha recepción calorosa e demostrar que o tecido asociativo e a veciñanza de Cee están ao lado desta importante causa solidaria 🤝

Animámosvos a acompañarnos para arroupar a Susana e dar visibilidade a unha loita que merece todo o noso apoio 💜



:::

13/05/2026

💙 UN PASO HISTÓRICO POLA INCLUSIÓN SANITARIA NA COSTA DA MORTE 💙

Cando catro entidades comprometidas coa mellora da calidade de vida das persoas se unen, é porque a causa merece todo o esforzo. A Asociación Paseniño, a Plataforma “Reiseñores” NEE/NEAE Costa da Morte, a Asociación Aspadex e o Servizo de Atención Temperá (SAT) presentamos conxuntamente unha iniciativa pioneira en Galicia para impulsar a Humanización e Mellora da Atención Integral ás persoas con TEA no ámbito sanitario.

📍A proposta foi rexistrada no Hospital Público Virxe da Xunqueira e no Concello de Cee, dirixida ás distintas administracións sanitarias e á Consellería de Política Social e Igualdade, co obxectivo de implicar a todas as institucións nun proxecto necesario, ilusionante e transformador.

As persoas autistas e as súas familias enfróntanse con frecuencia a importantes barreiras sensoriais, cognitivas e emocionais nos entornos hospitalarios. Por iso, desde as entidades implicadas levamos tempo trasladando a necesidade de crear unha atención sanitaria máis accesible, comprensiva e adaptada á diversidade.

🤝 Froito deste traballo conxunto e da colaboración co Servizo de Pediatría do Hospital Virxe da Xunqueira, elaborouse un plan de acción con 10 medidas fundamentais para mellorar a atención ás persoas con TEA, converténdose nun auténtico código de boas prácticas sanitarias.

✨ O noso obxectivo é claro:
Facer do Hospital Virxe da Xunqueira un referente en inclusión, accesibilidade cognitiva e atención humanizada.

Porque humanizar tamén é entender, adaptar e acompañar.

Seguimos traballando por unha Costa da Morte máis inclusiva para todas as persoas 💙

CostaDaMorte Cee AccesibilidadeCognitiva AtenciónIntegral GaliciaInclusiva

07/05/2026

🌈 Talleres inclusivos de habilidades, xogo e aprendizaxe

Dende Paseniño abrimos inscricións para nenos, nenas e adolescentes de 3 a 16 anos, con e sen necesidades específicas de apoio.

📍 Lugar: local fronte ao CEIP Vila de Cee
📅 Datas: maio e xuño, ata final de curso
🕓 Horario: tardes, entre as 16:00 e as 20:00

Actividades gratuítas:

🎲 Xogos de mesa
💻 Informática e STEM
🎨 Manualidades
🏃 Circuíto deportivo
📚 Animación á lectura e club de lectura
✏️ Apoio educativo funcional

As actividades organizaranse en grupos reducidos, segundo idade, intereses, actividade escollida e necesidades de apoio.

📝 Máis información e inscrición::
https://forms.gle/qhrtdARRqEkaaAkC6

Unha vez recibidas as respostas, organizaremos grupos e horarios segundo a demanda.

Adolescencia TalleresInclusivos

30/04/2026

📢 Asociación Paseniño

Dende a Asociación Paseniño queremos amosar o noso apoio decidido ás mobilizacións da comunidade educativa na defensa do ensino público.

Unímonos ás demandas do persoal non docente, do profesorado, do alumnado e das familias, que co seu esforzo diario fan posible o funcionamento dos centros educativos.

Cremos firmemente que o ensino público é esencial para unha sociedade xusta, e debe contar cos recursos humanos e materiais necesarios para garantir unha educación de calidade, inclusiva e accesible para todo o alumnado, sen excepción.

Manifestamos o noso rexeitamento ante calquera medida que supoña un empeoramento das condicións laborais ou educativas.

Coidar do ensino público é apostar polo presente e polo futuro das nosas crianzas.

🎓🤝 Seguiremos traballando colectivamente por unha escola pública forte, digna e con recursos.

16/04/2026

Airea Líderes es una iniciativa de liderazgo diseñada para impulsar vidas con sentido, fomentando el propósito personal y el compromiso con la comunidad.

Te invitamos a descubrir los 20 proyectos que han tomado forma en esta primera edición. La presentación tendrá lugar el sábado 18 de abril a las 10:00 en el Multiusos Das Pozas (Mos).

Se trata de un programa pionero en España, inspirado en más de 45 ediciones desarrolladas en Estados Unidos. En esta ocasión, hemos contado con la participación de especialistas procedentes de Canadá, Estados Unidos, Alemania, España y Países Bajos.

Este proceso formativo se ha llevado a cabo a lo largo de un año, mediante encuentros mensuales intensivos de fin de semana.

Han participado 30 personas: madres y padres comprometidos con la toma de decisiones para el futuro de sus hijos e hijas con discapacidad, junto a personas adultas que conocen en primera persona lo que significa vivir con una discapacidad.

14/04/2026

BUSCAMOS TÉCNICO/A DE INCLUSIÓN SOCIAL
Na Asociación Paseniño (Cee), dedicada ao traballo con persoas con diversidade funcional, poñemos en marcha o novo proxecto “Medrando en Autonomía”. Un proxecto inclusivo onde traballamos con nenos, nenas e adolescentes con e sen diversidade funcional.

Queres formar parte dunha iniciativa que aposta pola inclusión real? Esta é a túa oportunidade!

✨ O PROXECTO
Traballarás nunha contorna dinámica desenvolvendo, xunto con outras dúas persoas:

🛠️ Obradoiros de autonomía e toma de decisións.
🤝 Habilidades sociais e resolución de conflitos.
🌐 Tecnoloxía inclusiva e habilidades dixitais.
🏙️ Actividades inclusivas e acompañamento na comunidade.

📝 OFRECEMOS
✔️ Equipo Profesional: Integraraste nun equipo de profesionais con formación e experiencia no sector.
✔️ Contrato: Do 10 de maio ao 10 de setembro.
✔️ Xornada: Media xornada (tardes en período escolar / mañás en vacacións).
✔️ Condicións: Salario segundo o XV Convenio colectivo xeral de centros e servizos de atención a persoas con discapacidade.
✔️ Conciliación: Consulta as posibilidades de conciliación!

✅ REQUISITOS
⚫ Formación relacionada co posto a desempeñar.
⚫ Valorable experiencia en diversidade funcional e neurodiverxidade.
⚫ Valorable carné de conducir e vehículo propio.

📧 Queres unirte ao noso equipo? Envía o teu CV a:
👉 [email protected]

Axúdanos a difundir esta oferta na Costa da Morte! 🙌

NovoProxecto AtenciónADiscapacidade Cee CostaDaMorte

02/04/2026

A Asociación Paseniño súmase ao Manifesto do Día Mundial de Concienciación sobre o Autismo 2026.

Reafirmamos o noso compromiso coa visibilidade, os dereitos e a inclusión das persoas autistas, defendendo unha sociedade na que todas poidan participar en igualdade de condicións.

Traballamos por máis comprensión, menos prexuízos e apoios adaptados a cada persoa ao longo de toda a súa vida.

Porque as persoas autistas non son invisibles. É tempo de actuar.