Subvenciones Galicia

Subvenciones Galicia En esta página informamos de todas las ayudas y subvenciones que convoque la Xunta. También asesoraamos en los trámites a realizar para pedir subvenciones.

12/12/2016

ATENCIÓN GRADUADOS EN ECONOMÍA. Se convoca unha bolsa de formación na área da ciencia económica no sector público.

09/12/2016

Convocadas as subvencións para o ano 2016/17, para proxectos de redes de distribución de enerxía térmica con equipamentos de xeración de biomasa.

21/12/2015

Convocadas as axudas para o fomento da contratación dos seguros agrarios na Comunidade Autónoma de Galicia e se convocan para o ano 2016.

21/12/2015

Convocadas as axudas aos investimentos para a elaboración e comercialización de produtos vitícolas, financiadas polo Fondo Europeo Agrícola de Garantía (Feaga), e se convocan para o ano 2016.
Poderán ser beneficiarios da medida de investimentos as empresas que realicen actividades de transformación ou comercialización de produtos vitivinícolas ou ben ambas as dúas actividades simultaneamente. Entenderase por produtos vitivinícolas os mencionados na parte II do anexo VII do Regulamento (UE) nº 1308/2013 do Parlamento Europeo e do Consello, do 17 de decembro, e que se producisen no territorio español.
Listado de actuacións admisibles

1. Elaboración de produtos vitivinícolas: as operacións propias do proceso de elaboración, desde a recepción da uva ata o almacenamento do produto terminado, incluíndo os sistemas informáticos para o control dos procesos produtivos.

2. Control da calidade: calquera operación realizada no proceso de control da calidade dos produtos, desde a toma de mostras na recepción da uva na adega, os controis realizados durante o proceso da elaboración, o aseguramento da rastrexabilidade, os sistemas de calidade ou a implantación de normas de calidade alimentaria.

3. Comercialización: calquera operación realizada nos países da UE, incluída España, en:

a) Puntos de venda directa na adega, incluíndo salas de exposición e degustación, pero separados fisicamente das instalacións de elaboración.

b) Puntos de venda fóra da adega, almacéns, centros loxísticos e oficinas comerciais.

c) Equipamentos necesarios para a exposición e/ou venda.

d) Desenvolvemento de redes de comercialización.

e) Hardware, software, plataformas web/comercio electrónico, para a adopción de tecnoloxías da información e a comunicación (TIC) e o comercio electrónico.

4. Vinculadas á empresa en xeral: as operacións que melloren a estrutura operativa dos sistemas de xestión administrativa, a organización e o control da empresa, así como o desenvolvemento das redes de información e comunicación.

Tamén serán subvencionables os seguintes tipos de gastos:

a) A construción, adquisición ou mellora de bens inmobles.

b) A compra de nova maquinaria e equipamentos, incluídos os soportes lóxicos de ordenador, ata o valor de mercado do produto.

c) Ata un 8 % dos gastos xerais ligados aos puntos a) e b) anteriores como honorarios de arquitectos, enxeñeiros e asesores, estudos de viabilidade ou adquisición de patentes e licenzas.

Non son subvencionables as partidas xerais a tanto global ou por imprevistos.

14/12/2015

Convocadas as subvencións do programa de axudas económicas individuais para persoas residentes no exterior para o ano 2016.

CONTÍA DA AXUDA:
A contía da axuda para as persoas beneficiarias de países que teñan asinados convenios en materia de seguridade social co Estado español estará limitada cunha cota inferior de 350 € e unha cota superior de 800 €.

Para as persoas beneficiarias dos países que non teñan asinados convenios en materia de seguridade social co Estado español, a contía da axuda estará limitada cunha cota inferior de 150 € e unha cota superior de 400 €.

BENEFICIARIOS.

Poderán ser persoas beneficiarias destas axudas:

1. As persoas emigrantes galegas e os seus/súas fillos/as maiores de 18 anos, que posúan a condición de persoas galegas residentes no exterior, de acordo co establecido no parágrafo seguinte deste punto, e que o acrediten segundo o establecido no artigo 14.

Para os efectos da presente convocatoria terán a condición de persoas galegas residentes no exterior aquelas persoas emigrantes que teñan nacido en Galicia ou ben acrediten ter residido en Galicia de forma continuada durante dez anos con nacionalidade española, así como tamén os/as seus/súas fillos/as maiores de 18 anos que teñan nacionalidade española e que se encontren vinculados/as con calquera concello galego no censo electoral de residentes no exterior.

2. Os/as netos/as de persoas emigrantes galegas, maiores de 18 anos, que teñan a condición de persoas galegas residentes no exterior, que teñan nacionalidade española, que se encontren vinculados/as con calquera concello galego no censo electoral de residentes no exterior e que acrediten un ano de residencia continuada en Galicia.

3. No caso de falecemento das persoas indicadas nos números 1 e 2, poderán ser persoas beneficiarias por unha única vez das axudas previstas no artigo 5 o seu cónxuxe viúvo ou parella de feito ou relación análoga ou os/as fillos/as da persoa falecida, sempre e cando non transcorresen máis de quince meses desde o falecemento.

4. Os/as fillos/as e netos/as de persoas emigrantes galegas deberán ter a nacionalidade española, cando menos, cun ano de antigüidade na data de remate do prazo de presentación de solicitudes.

REQUISITOS

- Residir nun país do estranxeiro en que o Estado español teña fixada unha base de cálculo para a prestación económica por ancianidade no ano anterior ao da convocatoria.

- Carecer de rendas, ingresos ou patrimonio suficientes

Dirección

Santiago De Compostela
15707

Página web

Notificaciones

Sé el primero en enterarse y déjanos enviarle un correo electrónico cuando Subvenciones Galicia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir