15/10/2026
🌟 Esta mañá celebramos no Hotel Puerta del Camino de Santiago a sexta edición dos nosos Cafés con Aroma a Economía Social, unha proposta coa que queremos contribuír á visibilización do noso sector e que, unha vez máis, volveunos deixar un excelente sabor de boca.
🌎 O diálogo, as reflexións e as inquedanzas arredor do novo escenario xeopolítico internacional nutriron unha xornada que volveu ser, como de costume, tremendamente inspiradora.
🗣️ Para o ForoESGal, como organizador, foi un auténtico luxo poder contar, como relator principal, con Miguel Otero, investigador no Real Instituto Elcano e profesor e director na IE University.
👥Trala súa intervención, participou ademais nunha mesa redonda con outros tres grandes coñecedores da economía social como son Carlos Lozano, coordinador da área de Relacións Internacionais de CEPES; Celso Gándara, represente do ForoESGal en CEPES; e Ana Olveira, presidenta de EspazoCoop e vicepresidenta 2ª do ForoESGal, que moderou a actividade.
➡️ Desde o eido institucional, o delegado do Goberno en Galicia, Pedro Blanco; a alcaldesa do Concello de Santiago, Goretti Sanmartín; e a secretaria xeral de Emprego e Relacións Laborais da Conselleria de Emprego, Comercio e Emigración (que colaborou na cita), Susana Pérez, coincidiron á hora de destacar o importante papel da nosa fórmula empresarial na consecución dunha economía máis xusta, cohesionada e ligada ao territorio.
🤝 O presidente do ForoESGal, Mino Martínez, foi o encargado de dar a benvida a todas as persoas asistentes a un acto que tamén incluíu a intervención de Manuel Varela, presidente de Caixa Rural Galega, entidade que, un ano máis, arroupounos como patrocinador.
💙 Desde o ForoESGal queremos dar as grazas a todas as persoas que esta mañá quixestes contribuír, coa vosa presenza, a seguir construíndo unha sociedade máis xusta e solidaria que, como fai a Economía Social, poña as persoas no centro de toda actividade. 🥰
Grazas, de corazón, por acompañarnos nesta marabillosa VI edición dos Cafés con Aroma a Economía Social. 😊
Asociación Galega de Cooperativas Agroalimentarias, Agaca
AEIGA Asociación de Empresas de Inserción de Galicia
Aesgal
Cegasal
Espazocoop Unión de Cooperativas Galegas
Consellería de Emprego, Comercio e Emigración
Rede Eusumo - Economía Social de Galicia
Caixa Rural Galega
Delegación del Gobierno en Galicia
Pazo de Raxoi
