28/10/2026
Onte, martes 27 de outubro, celebrouse na sala Eisenman da Cidade da Cultura, en Santiago de Compostela, o acto de clausura do proxecto Relevo Xeracional: O Futuro do Mar, unha xornada para facer balance dun ano de traballo destinado a achegar a mocidade ao sector marítimo-pesqueiro⚓️
🗣️ O encontro reuniu máis de 80 persoas entre representantes institucionais, profesionais do sector marítimo-pesqueiro, centros de formación e entidades colaboradores, que compartiron experiencias e reflexións sobre os retos e as oportunidades do relevo xeracional.
A apertura institucional contou coa participación de Marta Villaverde Acuña, conselleira do Mar; Miguel Ángel Iglesias Romero, presidente do GALP Ría de Arousa e Patrón Maior da Confraría de Pescadores de Rianxo; e Ángeles Vázquez Suárez, directora xeral de Desenvolvemento Pesqueiro. A mesa estivo moderada por Rosa Carballo Martínez, xerente do GALP Ría de Arousa.
Ao longo deste ano, o proxecto desenvolveu actividades en 25 centros educativos, coa participación de 998 alumnos e alumnas, co obxectivo de dar a coñecer a realidade do sector marítimo-pesqueiro e as súas posibilidades profesioais dun xeito próximo e práctico.
A xornada incluíu tamén unha mesa redonda sobre boas prácticas para favorecer o relevo xeracional, na que participaron Francisco Xavier Doporto Santos, do IES Isaac Díaz Pardo de Sada; Juan Domingo da Escola Oficial Náutico-Pesqueira de Ribeira; e María Calvo Tarrío, de Arenaria Coordinación S.L.U
O acto rematou coa proxección do vídeo promocional do proxecto e cunha degustación de produtos do mar.
🌊 RELEVO XERACIONAL: O FUTURO DO MAR é unha iniciativa de cooperación dos oito Grupos de Acción Local do Sector Pesqueiro (GALP) de Galicia, coordinada polo GALP Ria de Arousa e desenvolvida en colaboración co GALP vasco Itsas Garapen Elkartea. Conta co financiamento da Consellería do Mar, no marco do Fondo Europeo Marítimo, de Pesca e de Acuicultura (FEMPA)
