16/04/2026
നന്മയുടെയും ഐശ്വര്യത്തിന്റെയും പ്രതീകമായ മറ്റൊരു വിഷുക്കാലം കൂടി കഴിഞ്ഞുപോകുന്നു. പ്രിയപ്പെട്ടവർക്കൊപ്പം സ്നേഹം പങ്കുവെക്കുമ്പോഴാണല്ലോ ഏതൊരു ആഘോഷവും പൂർണ്ണമാകുന്നത്. നമ്മുടെ 'കാലിക്കറ്റ് ബീച്ച് കൂട്ടായ്മ' ഇത്തവണയും വിഷു ആഘോഷിച്ചത് ഏറെ ഹൃദ്യമായ രീതിയിലാണ്.
ബീച്ച് വാക്ക് വേയിൽ വെച്ച് പ്രഭാതസവാരിക്കെത്തിയവർക്കും സുഹൃത്തുക്കൾക്കുമായി പായസം വിതരണം ചെയ്തു.
കൂട്ടായ്മയുടെ സെക്രട്ടറി മുജീബ് റഹ്മാൻ, ട്രഷറർ മനോഹരൻ എന്നിവരും മറ്റ് സുഹൃത്തുക്കളും ഈ ഒത്തുചേരലിന് നേതൃത്വം നൽകി. വരും വർഷങ്ങളിലും ഈ ഒത്തൊരുമയും സ്നേഹവും നമുക്കിടയിൽ ഉണ്ടാവട്ടെ എന്ന് പ്രാർത്ഥിക്കുന്നു.
