24/10/2025
အမေ့ကို ထမင်းစားတိုင်း သတိရတယ်
ခုတလော ထမင်းစား မမြိန်လို့ ထင်တယ်
အမေ့ကို အဝတ်လျှော်တိုင်းသတိရတယ်
ဂုတ်က ချေးတွေမပြောင်လို့
ဒီကလေး
ခုထိမလျော်တတ်သေးဘူး တဲ့လားကွယ်
ထားလိုက် အမေလျှော်လိုက်မယ်တဲ့
အမေ့ကို မနက်ခင်းတိုင်း သတိရတယ်
ခုချိန်ထိ မထသေးဘဲ
ကာလနဂါးဝင်စားတယ်များ
နင့်ကိုယ်နင်ထင်သလားတဲ့ကွယ်
အမေဟာ သားနဲ့ပတ်သက်ပြီး
တရားမဲ့ တတ်တယ်
ကောင်းတဲ့အရာကြီးသိသိနဲ့
ကိုယ့်သားသမီး ပိုင်ဆိုင်ခွင့် မရတဲ့အခါ
မကောင်းပါဘူး ငါ့သားရယ်ဆိုပြီး
လိုချင်တာကို မပိုင်ဆိုင်ချင်သယောင်ပြပြီး
ခွန်အားပေးရှာတယ်
ခုတလော အမေ့ကို ပိုသတိရတယ်
တစ်ခုခုဆို
အရင်ဆုံး အပြစ်မတင်
အမှားတွေကို မပြင်သေးဘဲ
သားသမီး ယုံကြည်စိတ်မွေးနိုင်အောင်
ပထမဆုံး ခွန်အားပေးတယ်
ပြီးမှ
ဒါကောင်းတယ်
မကောင်းဘူး လမ်းပြတယ်
အမေ့ကို ခုတလောပိုသတိရတယ်
ကိုယ်ရောက်နေတဲ့ ဝန်းကျင်မှာ
မေတ္တာစစ်တွေ မရလို့ထင်တယ် ….။
ဆြာချစ်@
(၂၀၂၅ အောက်တိုဘာ ၂၂) owner
